Author: નોબત સમાચાર
જામનગરમાં લઘુતમ તાપમાન ૧૬.પ ડીગ્રીએ સ્થિર
ગ્રામ્ય અને નગરસિમ વિસ્તારોમાં ઠંડીનો ચમકારોઃ
જામનગર તા. ૩: જામનગરમાં છેલ્લા ચોવીસ કલાક દરમિયાન લઘુતમ તાપમાન ૧૬.પ ડીગ્રીએ સ્થિર રહ્યું હતું, જ્યારે બે ડીગ્રીના ઘટાડા સાથે મહત્તમ તાપમાન ર૮.પ ડીગ્રી નોંધાયું હતું. ગઈકાલે સાંજથી વહેલી સવાર સુધી નગરસિમ અને ગ્રામ્ય વિસ્તારો તથા ધોરીમાર્ગો પર ઠંડીનો ચમકારો અનુભવાયો હતો.
ઉત્તર ભારતમાં હાલ હિમવર્ષાનો દોર ચાલી રહ્યોછે, જેના પગલે જમ્મુ-કાશ્મીર, હિમાચલપ્રદેશ અને ઉત્તરાખંડના ઘણાં ભાગોમાં તાપમાનનો પારો માઈનસમાં ચાલ્યો ગયો છે. હિમાલય પરથી આવતા પવનના પગલે ઉત્તરપ્રદેશ, બિહાર, દિલ્હી, પંજાબ, હરિયાણા, રાજસ્થાન સહિતના રાજ્યોમાં ઠંડીનું મોજુ ફરી વળ્યું છે.
ઉત્તર ભારતના હિમ જેવા ઠંડા પવનના પગલે હાલાર સહિત સમગ્ર ગુજરાતમાં હવે ઠંડીમાં ધીમે-ધીમે વધારો થઈ રહ્યો છે. જામનગર અને દેવભૂમિ દ્વારકા જિલ્લામાં ગઈકાલે સાંજથી જ ઠંડક પ્રસરવા લાગી હતી. નગરસિમ અને ગ્રામ્ય વિસ્તારો તથા હાઈવે પર ઠંડીનો ચમકારો અનુભવાયો હતો.
જામનગરમાં આજે સવારે પૂરા થતાં ચોવીસ કલાક દરમિયાન કોઈ વધારા કે ઘટાડા વગર લઘુતમ તાપમાન ૧૬.પ ડીગ્રીએ સ્થિર રહ્યું હતું, જ્યારે બે ડીગ્રીના ઘટાડા સાથે મહત્તમ તાપમાન ર૮.પ ડીગ્રી નોંધાયું હતું. વાતાવરણમાં ભેજનું પ્રમાણ ૧૧ ટકા ઘટીને ૭૦ ટકા રહ્યું હતું. પવનની ગતિ પ્રતિ કલાકની સરેરાશ પ થી ૧પ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
