Author: નોબત સમાચાર
ખંભાળિયામાં રેલવે ફાટક પાસે પરપ્રાંતીય યુવાનના ઘરમાં ઘૂસી કરાયો હુમલોઃ ધમકી
ત્રણ શખ્સ સામે પોલીસમાં કરાઈ ફરિયાદઃ
જામનગર તા. ૩: ખંભાળિયામાં વસવાટ કરતા મૂળ પશ્ચિમ બંગાળના એક યુવાનના ઘરમાં ઘૂસી સોમવારે રાત્રે પશ્ચિમ બંગાળના જ એક શખ્સ અને બે અજાણ્યા શખ્સે આ યુવાન તથા તેના પત્નીને ગાળો ભાંડી યુવાનને ધોકાવી નાખ્યો હતો. ધમકી આપી હુમલાખોરો નાસી ગયા હતા.
ખંભાળિયા શહેરમાં રેલવે ફાટક પાસે આવેલા સાંઈબાબા મંદિર નજીક વસવાટ કરતા મુળ પશ્ચિમ બંગાળના ઉત્તર કાલુપુર ગામના વતની લીપ્તુભાઈ પારીતોષભાઈ રાય નામના પરપ્રાંતીય યુવાન અને તેમના પત્ની સોમવારે રાત્રે પોતાના ઘરમાં હતા ત્યારે મૂળ પશ્ચિમ બંગાળના ઉતર કાલુપુર ગામનો જ બીટ્ટુ સુબ્રતો સરકાર નામનો શખ્સ બે અજાણ્યા વ્યક્તિ સાથે ધસી આવ્યો હતો.
આ શખ્સોએ લીપ્તુભાઈના ઘરમાં ઘૂસી પતિ-પત્નીને ગાળો ભાંડવા ઉપરાંત લીપ્તુભાઈને ઢીકાપાટુથી માર માર્યાે હતો અને પતાવી દેવાની ધમકી આપી હતી. ખંભાળિયા પોલીસ સ્ટેશનમાં તેની ફરિયાદ કરવામાં આવી છે. પોલીસે ત્રણેય હુમલાખોરની શોધ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
