Author: નોબત સમાચાર
વડોદરા જિલ્લાની મેડિકલ કોલેજ રેગીંગમાં સપડાયા પછી હાઈકોર્ટે દાખલ કરી સુઓમોટો
નગરના વિદ્યાર્થીના પિતાને નિવેદન માટે કોલેજે બોલાવ્યાઃ
જામનગર તા.૧૦ ઃ જામનગરના એક તબીબી વિદ્યાર્થીને વડોદરા જિલ્લાની મેડિકલ કોલેજમાં રેગીંગ કરાયાનો બનાવ પ્રકાશમાં આવ્યા પછી આજે એન્ટી રેગીંગ સમિતિએ વિદ્યાર્થીના પિતાને કોલેજે બોલાવ્યા છે ત્યારે જ આ મુદ્દા પર રાજ્યની વડી અદાલતે સુઓમોટો દાખલ કરી છે. જેની વધુ સુનાવણી આગામી તા.૩૦ પર રાખવામાં આવી છે.
જામનગરના દોઢિયા પરિવારના પુત્રએ ઓર્થોપેડિક વિભાગમાં માસ્ટર ડિગ્રી મેળવવા માટે વડોદરા જિલ્લાની કોલેજમાં એડમિશન મેળવ્યા પછી આ વિદ્યાર્થીને તેના સિનિયર તબીબો રેગીંગ કરી પજવતા હોવાની રજૂઆત તેના પિતા કેતનભાઈ દોઢિયાએ કોલેજની એન્ટી રેગીંગ સમિતિને કર્યા પછી તે મુદ્દો બહુચર્ચિત બન્યો છે.
તે દરમિયાન ગુજરાત હાઈકોર્ટે આ મુદ્દા પર સુઓમોટો દાખલ કરી છે. અદાલતે નોંધ્યા મુજબ થોડા સમય પહેલા અમદાવાદની બી.જે. મેડિકલ કોલેજના ઓર્થોપેડિક વિભાગમાં જ આ રીતના રેગીંગનો કિસ્સો બહાર આવ્યા પછી રાજકોટની એક કોલેજનો પણ રેગીંગ કિસ્સો ચર્ચાયો હતો. તે પછી વડોદરાની કોલેજ પણ રેગીંગમાં સપડાતા હાઈકોર્ટે તે મુદ્દા પર લગત તંત્રનો ખુલાસો માંગી સુઓમોટો કરી છે.
આ બાબતની વધુ સુનાવણી તા.૩૦ના દિને રાખવામાં આવી છે. જાહેરહિતની અરજી (પીઆઈએલ)માં નગરના વિદ્યાર્થીના પિતા અને વકીલ કેતનભાઈ દોઢિયા પણ જોડાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
