Author: નોબત સમાચાર
જામનગરમાં આણદાબાવા સેવા સંસ્થા દ્વારા ક્રિકેટ ટુર્નામેન્ટ
વિજેતા ટીમોને મેન ઓફ ધ મેચ, બેસ્ટ બોલર-બેટ્સમેનના પુરસ્કારો અપાયાઃ
આણદાબાવા સેવા સંસ્થા, લીમડા લેન, જામનગર દ્વારા સામાજિક ન્યાય અને અધિકારીતા વિભાગ, રાજ્ય સરકાર હેઠળના નિયામક સમાજ સુરક્ષા ખાતા, ગુજરાત રાજ્ય, ગાંધીનગર હસ્તકની જામનગર જિલ્લાની સરકારી-બિન સરકારી બાળકલ્યાણ ક્ષેત્રે કાર્ય કરતી વિવિધ બાળકલ્યાણ સંસ્થાઓના બાળકો વચ્ચે ક્રિકેટ ટુર્નામેન્ટનું આયોજન કરવામાં આવ્યું હતું. આણદાબાવા સંચાલિત ચિલ્ડ્રન હોમ ફોર બોયઝ વચ્ચે છોકરાઓની એક મેચ મેચનું એક અને કસ્તુરબા સ્ત્રી વિકાસ ગૃહ સંચાલિત ચિલ્ડ્રન હોમ ફોર ગર્લ્સ વચ્ચે છોકરીઓની એક ક્રિકેટનું આયોજન કરવામાં અવ્યું હતું. જેમાં બંને મેચની વિજેતા ટીમને મેન ઓફ ધ મેચ, બેસ્ટ બોલર તેમજ બેસ્ટ બેટ્સમેનના પુરસ્કારો એનાયત કરવામાં આવ્યા હતા. આ કાર્યક્રમમાં જિલ્લા સમાજ સુરક્ષા અધિકારી એમ.આર. પટેલ, જિલ્લા બાળ સુરક્ષા અધિકારી અને સરકારી ચિલ્ડ્રન હોમ ફોર બોયઝ અધિક્ષક આર.જે. શિયાર, કસ્તુરબા સ્ત્રી વિકાસગૃહ સંચાલિત ચિલ્ડ્રન હોમ ફોરના અધિક્ષક જુવેનાઈલ જસ્ટિસ બોર્ડ, જામનગર પ્રમુખ એમ.આર. પટેલ, કસ્તુરબા વિકાસ ગૃહ, જામનગર પ્રમુખ કરશનભાઈ ડાંગર, મહંત દેવપ્રસાદજી, ઉદયભાઈ ત્રિવેદી, કર્મચારીઓ, જિલ્લા સમાજ સુરક્ષા અધિકારી અને જિલ્લા બાળ સુરક્ષા અધિકારી કચેરીના કર્મચારીઓ હાજર રહ્યા હતા. જિલ્લા સમાજ સુરક્ષા અધિકારી કચેરી અને જિલ્લા બાળ સુરક્ષા અધિકારી કચેરીના સ્ટાફ દ્વારા કાર્યક્રમને સફળ બનાવવા જહેમત ઉઠાવાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
