Author: નોબત સમાચાર
'ઓશવાળ એજ્યુકેશન ડે'નું નામકરણ કરી સ્વ. લખમશીભાઈની જન્મ જયંતીની ઉજવણી
ઓશવાળ એજ્યુકેશન ટ્રસ્ટ દ્વારા
જામનગર તા. ૧૦ઃ ઓશવાળ એજ્યુકેશન ટ્રસ્ટના સર્જક સ્વ. લખમશીભાઈ ગોવિંદભાઈ હરિઆની ૧૧૧ મી જન્મ જયંતી નિમિત્તે તા. ૩૧ ડિસેમ્બરના દિવસને 'ઓશવાળ એજ્યુકેશન ડે'નું નામકરણ કરવામાં આવ્યું હતું. આ પ્રસંગે ટ્રસ્ટની શૈક્ષણિક સંસ્થાઓ દ્વારા સાંસ્કૃતિક કાર્યક્રમ યોજાયો હતો.
આણદાબાવા સેવા સંસ્થાના મહંત પૂ. દેવપ્રસાદ મહારાજના હસ્તે દીપ પ્રાગટ્ય કરવામાં આવ્યું હતું. આ પ્રસંગે ટ્રસ્ટના ચેરમેન કાંતિભાઈ હરિઆ, મેનેજીંગ ટ્રસ્ટી રમણિકભાઈ શાહ, ટ્રસ્ટીઓ ડો. ભરતેશભાઈ શાહ, કેશવજીભાઈ ગોસરાણી, ચંદુભાઈ શાહ, ભાનુભાઈ દોશી, ડો. સ્નેહલ કોટક પલાણ, ડો. અજય શાહ, હેતલ સાવલા, ધવલ પટ્ટ (પ્રિન્સિપાલ, જીપાલ પટેલ, બંસરી ભટ્ટ, જયંતિલાલ હરિયા, ડો. મહેશભાઈ, ડો. રાજેશભાઈ ખજૂરિયા, સૂર્યાબેન શાહ, ડો. તેજસ પૂજારા, ડો. જગદીશ રાઠોડ, કેતન વોરા, કલાબેન શાહ, હિમેશભાઈ શાહ, રૃપલબેન શાહ, જયશ્રીબેન માલદે, ગીતાબેન છેડા, અરવિંદભાઈ શાહ, કિશોરભાઈ નગરિયા વગેરે ઉપસ્થિત રહ્યા હતાં.
ઓશવાળ સમાજના શ્રેષ્ઠીઓને પાઘડી પહેરાવીને વિશિષ્ટ મહેમાનગતિની ઢબે અતિથિઓનું સ્વાગત કર્યું હતું. જેમાં લખમશી ગોવિંદજી હરિઆ પરિવાર, લીલાવતીબેન રમણિકલાલ શાહ પરિવાર, ગોસર હંસરાજ ગોસરાણી પરિવાર, ગુલાબચંદ દેવરાજ શાહ પરિવાર, ધરમશી દેવરાજ નાગડા પરિવાર, જયસુખલાલ વાધર પરિવાર આ ઉપરાંત ભારતીય વિદ્યા ભવન સંસ્થા સાથે સંલગ્ન ભાનુભાઈ દોશીનું વિશિષ્ટ સન્માન કર્યું હતું. દેશની સરહદે રાત-દિવસ જાગીને જાગતો પહેરો આપનારા અને જરૃર પડ્યે પોતાના પ્રાણની આહૂતિ આપનારા કારગીલ યુદ્ધમાં વીરગતિ પ્રાપ્ત કરનાર શહીદવીર રમેશ જોગલના પરિવારનું ઓશવાળ એજ્યુકેશન ટ્રસ્ટે સન્માન કર્યું હતું.
આ કાર્યક્રમમાં વિવિધ વક્તાઓ-મહાનુભાવોએ પ્રાસંગિક ઉદ્બોધન કર્યું હતું. ડો. માર્ગી પરીખ, ડો. દિલીપ બારડ, ડો. મહેશ જીવાણીએ કી નોટ દ્વારા સ્પીકર તરીકે વક્તવ્યો રજૂ કર્યા હતાં. ટ્રસ્ટની શૈક્ષણિક સંસ્થાઓને સહકાર આપનાર ભૂતપૂર્વ વિદ્યાર્થીઓ, શિક્ષકો, કાર્યકરોનું તેમજ સ્ટાફમાં શ્રેષ્ઠ કામગીરી કરનારનું સન્માન કરાયું હતું. ડો. ભરતેશ શાહની કામગીરીને બિરદાવી તેમનું વિશિષ્ટ સન્માન કરાયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
