Author: નોબત સમાચાર
ઈન્ડસ્ટ્રીયલ ટ્રીબ્યુનલના ચૂકાદાનો અમલ કરવા મ્યુનિ. કમિશનરને રજૂઆત
જિલ્લા સફાઈ કામદાર યુનિયન દ્વારા
જામનગર તા. ૧૧ઃ જામનગરના જે તે વખતના યુનિયનો (૧) હાલાર જિલ્લા લોકલ બોડીઝ એમ્પ્લોઈઝ યુનિયન, (ર) જામનગર મ્યુનિસિપાલીટી ટ્રાન્સપોર્ટ કર્મચારી યુનિયન અને (૩) મજૂર મહાજન સંઘ દ્વારા કર્મચારીઓ વતી ઈન્ડસ્ટ્રીયલ ટ્રીબ્યુનલમાં વિવિધ ડીમાન્ડ રજૂ કરવામાં આવી હતી.
જેમાં ટ્રીબ્યુનલે મેડિકલ એલાઉન્સ, કેશ એલાઉન્સ, કર્મચારીઓ માટે સાયકલ/ સ્કુટર રાખવા પાર્કિંગ બનાવવા, કર્મચારીઓ માટે રીટાયરીંગ રૃમ અને કેન્ટીન બનાવવાની ડીમાન્ડ મંજુર કરી હતી, જ્યારે ચાર્જ એલાઉન્સની ડીમાન્ડ સહિત અન્ય બે ડીમાન્ડ નામંજુર કરવામાં આવી હતી.
સૌથી મહત્ત્વની ડીમાન્ડ પેન્શન કમ-ગ્રેચ્યુઈટી સ્કીમ લાગુ કરવા માટેની હતી. જેમાં ટ્રીબ્યુનલના પ્રમુખ જજ એસ.એસ. સંઘવીએ જણાવ્યું હતું કે, મ્યુનિસિપાલીટીને તા. ર૪-૩-૧૯૭૪ ના દિને જનરલ બોર્ડમાં ઠરાવ કરીને તેનો અમલ કરવો. આ ફેરફારનો લાભ મ્યુનિસિપાલીટીના કર્મચારીઓને પણ મળવો જોઈએ.
આ કેસની સુનાવણી પછી તા. ર૪-૩-૧૯૭૪ ના જનરલ બોર્ડમાં ટ્રીબ્યુનલના આદેશ મુજબ ઠરાવ કર્યો હતો. આ ઠરાવ અને ટ્રીબ્યુનલના આદેશ મુજબ ચા ની કેન્ટીન, રીટાયરીંગ રૃમ, પેન્શન-કમ-ગ્રેચ્યુઈટી સ્કીમનો અમલ કરવા જામનગર જિલ્લા સફાઈ કામદાર યુનિયનના જનરલ સેક્રેટરી પ્રેમજીભાઈ બાબરિયાએ મ્યુનિ. કમિશનરને આવેદનપત્ર આપી રજૂઆત કરી છે.
જો ૧પ દિવસમાં યુનિયનની માંગણીનો નિકાલ કરવામાં નહીં આવે તો 'એવોર્ડ ભંગ'ની ફરિયાદ સરકારના શ્રમ અધિકારી સમક્ષ કરવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
