Author: નોબત સમાચાર
વૃદ્ધાના હાથમાંથી પોણા ત્રણ લાખની બંગડી સેરવી જનાર મહિલા ઝડપાઈ
જલાની જાર પાસે ઘરમાં ઘૂસી કરી હતી ઉટાંતરીઃ
જામનગર તા.૧૧: જામનગરના જલાની જાર વિસ્તારમાં એક વૃદ્ધાના ઘરમાં ઘૂસી સોના-ચાંદીની બંગડીની લૂંટ કરી જનાર મહિલાને પોલીસે પકડી પાડી છે. આ મહિલાએ રૃા.ર.૮૮ લાખનો મુદ્દામાલ કાઢી આપ્યો છે.
જામનગરના જલાની જાર વિસ્તારમાં આવેલી બુટાના કૂવાવાળી શેરીમાં વસવાટ કરતા સવિતાબેન દવે નામના વિપ્ર વૃદ્ધા સોમવારે સવારે પોતાના ઘરમાં સૂતા હતા ત્યારે તેમના ઘરમાં પ્રવેશેલી એક અજાણી સ્ત્રીએ તેઓના હાથમાંથી સોનાની ચાર બંગડી અને ચાંદીની બે બંગડી સેરવી લીધી હતી. ૬૪ ગ્રામ વજનની સોનાની અને સાડા છ ગ્રામ વજનની ચાંદીની બંગડીઓ ચોરી જવા અંગે પોલીસમાં ફરિયાદ કરાઈ હતી.
પોલીસે બાબતની શરૃ કરેલી તપાસમાં કેટલાક સીસીટીવી ફૂટેજ પોલીસને મળી આવતા જેમાં શંકાસ્પદ મહિલાના સગડ મળતા પોલીસે તે મહિલાની શોધ શરૃ કરી હતી. તે દરમિયાન સિટી-એ ડિવિઝનના સર્વેલન્સ સ્ટાફના શિવરાજસિંહ, ઋષિરાજસિંહ, રવિભાઈ શર્માને બાતમી મળી હતી કે, ચાંદી બજારમાં એક મહિલા શંકાસ્પદ હાલતમાં આંટા મારે છે. તે બાતમીના આધારે પીઆઈ એમ.બી. ગજ્જરની સૂચના અને પીએસઆઈ બી.એસ. વાળાના વડપણ હેઠળ ધસી ગયેલા સ્ટાફે ત્યાંથી રેખાબેન અરવિંદ બેવાસી નામની ગોદડીયા મહિલાની અટકાયત કરી હતી.
તે મહિલાની તલાશી લેવાતા તેના કબજામાંથી સોના ચાંદીની ઉપરોક્ત બંગડીઓ મળી આવતા પોલીસે તે કબજે લઈ આ મહિલાની પૂછપરછ કરતા તેણે ઉપરોક્ત ગુન્હાની કબૂલાત આપી છે. નગરના રણજીતસાગર રોડ પર ફુલીયા હનુમાન મંદિર પાસે ગોદડીયા વાસમાં રહેતી આ મહિલાની ધરપકડ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
