Author: નોબત સમાચાર
સૌરાષ્ટ્ર ગ્રામીણ બેન્કના સ્થાપના દિને જામનગરમાં યોજાઈ રક્તદાન શિબિરઃ ૧૪૨ બોટલ રક્ત એકત્ર
એસ.પી. પ્રેમસુખ ડેલુએ ઉપસ્થિત રહી ઉત્સાહ વધાર્યો
જામનગર તા. ૧૧ઃ સૌરાષ્ટ્ર ગ્રામીણ બેન્કના સ્થાપના દિવસની ઉજવણીના ભાગરૃપે રક્તદાન શિબિર યોજાઈ હતી, જેમાં ૧૪૨ બોટલ રક્ત એકત્ર થયુ હતું.
સૌરાષ્ટ્ર પ્રદેશમાં સૌથી વિશાળ નેટવર્ક ધરાવતી સૌરાષ્ટ્ર ગ્રામીણ બેન્કના સ્થાપના દિવસની તાજેતરમાં ઉજવણી કરવામાં આવી હતી. જે ઉજવણીના ભાગરૃપે ગત તા. ૦૮ જાન્યુઆરીના બેડી બંદર રોડ શાખા, જામનગરમાં રક્તદાન શિબિરનું આયોજન કરવામાં આવ્યું હતું. આ રક્તદાન શિબિરમાં ૧૪૨ બોટલ જેટલું રક્ત એકત્રિત કરવામાં આવ્યું હતું અને જી.જી. હોસ્પિટલ સરકારી બ્લડ બેન્કને તેનું અનુદાન કરવામાં આવ્યું હતું.
આ રક્તદાન શિબિરમાં જામનગર પોલીસ અધિક્ષક પ્રેમસુખ ડેલુ ખાસ ઉપસ્થિત રહ્યા હતા તેમજ રક્તદાતાઓ અને બેન્કના કર્મચારીઓનો ઉત્સાહ વધાર્યો હતો. આ ઉપરાંત સ્ટેટ બેન્ક ઓફ ઇન્ડિયા, જામનગરના રિજિયોનલ મેનેજર બળદેવ પટેલ અને રાજ્ય અનામત પોલીસ દળ-ચેલા ગ્રુપ ૧૭ ના ડી.વાય.એસ.પી.પટેલે અને અન્ય જવાનોએ પણ રક્તદાન કર્યું હતું. રક્તદાન શિબિર કાર્યક્રમને સફળ બનાવવા માટે સૌરાષ્ટ્ર ગ્રામીણ બેન્કના ચેરમેન મનોજકુમાર કલમથેકર અને સૌરાષ્ટ્ર ગ્રામીણ બેન્કના રિજિયોનલ મેનેજર શ્રી એ.સી. મહેતાએ જહેમત ઉઠાવી હતી. રક્તદાન શિબિરમાં બેન્કના ગ્રાહકો, જામનગર અને દ્વારકા જિલ્લાની શાળાઓના કર્મચારીઓ, નિવૃત્ત કર્મચારીઓ તેમજ તેમના પરિવારજનોએ ઉત્સાહભેર રક્તદાન કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
