Advertisement
Author: નોબત સમાચાર

ચોરાઉ મોબાઈલ વેચવાની તજવીજ કરતા શખ્સની રૃા.૨૦ હજારનો ફોન સાથે અટક

સપ્તાહ પૂર્વે ચોરી કર્યાની કરી લીધી કબૂલાતઃ

જામનગર તા. ૨૪ઃ જામનગરના ધરારનગર-૧ વિસ્તારમાં ગઈકાલે ચોરાઉ મોબાઈલ વેચવાની તજવીજ કરતા બેડીના એક શખ્સને પોલીસે પકડી રૃા.૨૦ હજારનો ફોન કબજે કર્યાે છે. આ ફોન તેણે સપ્તાહ પૂર્વે ઉઠાવ્યાની કબૂલાત આપી છે.

જામનગરના ધરારનગર-૧ વિસ્તારમાં એક શખ્સ મોબાઈલ વેચવાની પેરવી કરતો હોવાની બાતમી સિટી-બી ડિવિઝનના સર્વેલન્સ સ્ટાફના ક્રિપાલસિંહ, જયદીપસિંહને મળતા પીઆઈ એચ.પી. ઝાલાને વાકેફ કરાયા પછી સ્ટાફે વોચ રાખી હતી.

તે સ્થળેથી બેડીના ખરી વિસ્તારમાં રહેતો અસલમ ફરીદ કકલ નામનો શખ્સ મળી આવ્યો હતો. તેની તલાશી લેવાતા સેમસંગ કંપનીનો રૃા.૨૦ હજારની કિંમતનો મોબાઈલ મળી આવ્યો હતો. તેના બીલ વિશે પૂછાતા આ શખ્સે સાતેક દિવસ પહેલાં તે મોબાઈલ અંબર ચોકડી પાસેથી ચોરી કર્યાની કબૂલાત આપી છે. પોલીસે મોબાઈલ કબજે કરી અસલમની ધરપકડ કરી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh