Advertisement
Author: નોબત સમાચાર

મેડિકલ કોલેજમાં એડમિશન અપાવી દેવાનું કહી રૃા.પંદર લાખની છેતરપિંડી

જામનગરના જાણીતા હાર્ટ સ્પેશિયાલીસ્ટ ડો. હિમાંશુ પાઢે નોંધાવી ફરિયાદઃ

જામનગર તા. ૬ઃ જામનગરના એક જાણીતા તબીબને તેમના પુત્રને ઈન્દોરની મેડિકલ કોલેજમાં એનઆરઆઈ ક્વોટામાં એડમિશન અપાવી દેવાનું કહી મૂળ રાજકોટના અને હાલમાં ઉદયપુરમાં રહેતા શખ્સે રૃા.૧૫ લાખ મેળવી લઈ છેતરપિંડી કરતા તબીબે પોલીસમાં ફરિયાદ નોંેંધાવી છે.

જામનગરના ઈન્દિરા માર્ગ ૫ર નર્મદા સર્કલ નજીક ક્લિનિક ચલાવતા અને સમર્પણ હોસ્પિટલમાં સેવા આપતા જામનગરના જાણીતા હાર્ટ સ્પેશિયાલીસ્ટ ડો. હિમાંશુ એમ. પાઢના પુત્રને તબીબી અભ્યાસ માટે મેડિકલ કોલેજમાં પ્રવેશ મેળવવાનો હતો.

તે માટે ડો. પાઢ કોલેજ વિશે જાણી ગયા હતા. તે દરમિયાન ગયા વર્ષના જુન મહિનામાં તેમના એક પેશન્ટના સગા અને મૂળ રાજકોટના તેમજ હાલમાં રાજસ્થાનના ઉદયપુરમાં રહેતા ધવલ સંઘવી નામના વણિક શખ્સનો સંપર્ક થયો હતો. આ શખ્સે ડો. પાઢના પુત્રને મધ્યપ્રદેશના ઈન્દોરની મેડિકલ કોલેજમાં એનઆરઆઈ ક્વોટામાં એડમિશન અપાવી દેવાની વાત કર્યા પછી તે માટે ફી સહિતના ખર્ચની વાત કરી હતી. તેની વાતમાં આવી ગયેલા ડો. પાઢે ગઈ તા.૫-૬-૨૨ના દિવસથી જુદા જુદા સમયે ધવલ સંઘવીને કુલ રૃા.૧૫ લાખ આપ્યા હતા.

તે રકમ મેળવ્યા પછી મહિનાઓ સુધી ધવલે એડમિશન માટે કંઈ ન કરતા અને તે દરમિયાન ડો. પાઢના પુત્રને મેરિટના આધારે મેડિકલ કોલેજમાં પ્રવેશ મળી ગયો હતો. આથી ડો. પાઢે પોતે આપેલી રકમ પરત આપવા ધવલ સંઘવી સાથે અવારનવાર વાત કરી હતી. પોતે લીધેલી રકમ પરત આપવાના બદલે ધવલ સંઘવીએ ગલ્લાતલ્લા કરતા આખરે ડો. હિમાંશુ પાઢે ગઈકાલે સિટી-સી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે ધવલ સંઘવી સામે રૃા.૧૫ લાખ મેળવી લઈ વિશ્વાસઘાત, છેતરપિંડી કરવા અંગે આઈપીસી ૪૦૬, ૪૨૦ હેઠળ ગુન્હો નોંધ્યો છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh