Advertisement
Author: નોબત સમાચાર

સરમતના યુવાનને પત્ની, સાસુ, સસરા, સાળાએ મરી જવા મજબૂર કર્યાની પોલીસમાં નોંધાઈ ફરિયાદ

મૃતકે વિષપાન કરતા પહેલા બનાવ્યો હતો વીડિયોઃ

જામનગર તા.૧૯ઃ જામનગરના સરમત ગામના  એક યુવાને ગયા મહિનાના અંતિમ અઠવાડિયામાં વિષપાન કર્યું હતું. તેઓનું સારવારમાં મૃત્યુ નિપજ્યંુ હતું. મૃતકે ઝેરી દવા પીતા પહેલા બનાવેલા વીડિયોમાં પોતાના સસરા અને પૂર્વ પોલીસકર્મી સહિતના ચાર સામે કેટલાક આક્ષેપ કર્યા હતા. તે પછી ગઈકાલે મૃતકના ભાઈએ ફરિયાદ નોંધાવી છે. પોલીસે પૂર્વ પોલીસકર્મી, વર્તમાન પોલીસકર્મી સહિત ચાર સામે આત્મહત્યાની દુષ્પ્રેરણાનો ગુન્હો નોંધ્યો છે.

જામનગર-ખંભાળિયા ધોરીમાર્ગ પર આવેલા સરમત ગામના હરેશભાઈ બાબુભાઈ સરવૈયા નામના યુવાને ગઈ તા.૨૭ જુનના દિને ઝેરી દવા પી લીધી હતી. આ યુવાને દવા પીતા પહેલા એક વીડિયો બનાવ્યો હતો અને તેમાં તેણે રાજકોટમાં રહેતા પોતાના સસરા અને પૂર્વ પોલીસકર્મી દેવરાજભાઈ હેમરાજભાઈ નાટડા, સાસુ ઈન્દુબેન, પોતાના સાળા અને પોલીસમાં ફરજ બજાવતા મયુર દેવરાજભાઈ નાટડા તથા પત્ની નીતાબેન દેવરાજભાઈ નાટડા સામે આક્ષેપો કર્યા હતા.

આ યુવાને દવા પીતા પહેલા મોબાઈલમાં ઉતારેલા વીડિયોમાં જણાવ્યા મુજબ તેના પાંચેક વર્ષ પહેલા નીતાબેન સાથે લગ્ન થયા હતા, ત્રણ વર્ષ પછી વિખવાદ થતાં છેલ્લા બે વર્ષથી નીતા પિયર ચાલી ગયા હતા. તે પછી લગ્નજીવન ભાંગતું અટકાવવા હરેશભાઈએ બે વખત પ્રયત્ન કર્યા હતા. તે નિષ્ફળ ગયા હતા અને પત્નીએ પડધરી પોલીસ મથકમાં પતિ સામે અરજી કરી હતી. તે અરજી અંગે પડધરી પોલીસ મથકે હરેશભાઈ જવાબ આપવા ગયા હતા.

ત્યારપછી પત્ની તથા સસરા, સાળા, સાસુના ત્રાસથી પોતે ઝેરી દવા પીતા હોય તેમ જણાવી હરેશભાઈ એ વિષપાન કર્યું હતુંં અને તેઓનું સારવાર દરમિયાન મૃત્યુ નિપજ્યું હતું. આ બનાવ અંગે ગઈકાલે મૃતકના ભાઈ અને હાલમાં જામનગરના કૃષ્ણનગરમાં રહેતા હીરેનભાઈ સરવૈયાએ પોતાના ભાઈને મરી જવા માટે મજબૂર કરાયો હોવાની સિક્કા પોલીસ સ્ટેશનમાં ફરિયાદ નોંધાવી છે. પોલીસે પૂર્વ પોલીસકર્મી સસરા, પોલીસમાં ફરજ બજાવતા સાળા તેમજ સાસુ અને પત્ની સામે આઈપીસી ૩૦૬, ૧૧૪ હેઠળ ગુન્હો નોંધ્યો છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh