Author: નોબત સમાચાર
કલ્યાણપુર તાલુકાના પિંડારામાં પ્રાથમિક આરોગ્ય કેન્દ્રનું ભૂમિપૂજનઃ સુવિધા વધશે
અંદાજીત રૃા. ૯૩.૦૬ લાખના ખર્ચે બનશે બિલ્ડીંગઃ
ખંભાળિયા તા. ૧૦ઃ કલ્યાણપુર તાલુકાના પિંડારામાં પ્રાથમિક આરોગ્ય કેન્દ્રનું ભૂમિપૂજન કરવામાં આવ્યું હતું. અંદાજિત રૃા. ૯૩.૦૬ લાખના ખર્ચે અદ્યતન સુવિધા સાથે બિલ્ડીંગનું નિર્માણ કરવામાં આવશે.
આ તકે જિલ્લા પંચાયત આરોગ્ય સમિતિના ચેરમેન નથુભાઈ ચાવડાએ જણાવ્યું હતું કે, આજે અહીં પ્રાથમિક આરોગ્ય કેન્દ્રનું ભૂમિપૂજન કરવામાં આવી રહ્યું છ. આ પ્રાથમિક આરોગ્ય કેન્દ્રથી આજુબાજુના ગ્રામ્ય વિસ્તારના લોકોએ પણ આરોગ્ય સુવિધા માટે દૂર સુધી જવું નહીં પડે. અંદાજિત રૃા. ૯૩.૦૬ લાખના ખર્ચે અદ્યતન સુવિધા સાથે બિલ્ડીંગ બનાવવામાં આવશે. વધુમાં જણાવ્યું કે, જે ગ્રામજનોએ આયુષ્માન કાર્ડ કઢાવવાના બાકી હોય તેઓએ વહેલી તકે આયુષ્માન કાર્ડ કઢાવી લેવા. અહીં બનનારા બિલ્ડીંગની જવાબદારી આપણા સૌ લકોની છે અને દર્દીઓને શ્રેષ્ઠ સારવાર મળી રહે તે માટે આરોગ્ય વિભાગના તમામ સ્ટાફે કાળજી રાખવી.
આ તકે જિલ્લા પંચાયતની કારોબારી સમિતિના ચેરમેન જગાભાઈ ચાવડાએ જણાવ્યું હતું કે, પહેલા લોકોએ સારવાર માટે દૂર સુધી જવું પડતું હતું. હવે અહીં પ્રાથમિક આરોગ્ય કેન્દ્રનું બિલ્ડીંગ બનવા જઈ રહ્યું છે જેથી માત્ર આ ગામના જ લોકોને નહીં, પણ આજુબાજુના ગ્રામ્ય વિસ્તારના લોકોએ સારવાર માટે દૂર નહીં જવું પડે.
આ તકે જિલ્લા અગ્રણી વી.ડી. મોરીએ પ્રાસંગિક ઉદ્બોધન કર્યું હતું, જ્યારે જિલ્લા આરોગ્ય અધિકારી ડો. મિતેષ ભંડેરીએ સ્વાગત પ્રવચન કર્યું હતું. ઉપસ્થિત મહાનુભાવોનું શ્રીમદ્ ભાગવત ગીતા અર્પણ કરી સ્વાગત કર્યું હતું. આ તકે જિલ્લા પંચાયત શિક્ષણ સમિતિના ચેરમેન સંજયભાઈ નકુમ, આગેવાન નગાભાઈ ગાધેર તેમજ આરોગ્ય વિભાગનો સ્ટાફ વિગેરે ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
