Author: નોબત સમાચાર
ઓખાના ભુંગા વિસ્તારમાં રહેણાંકમાં ચોરી કરનાર શખ્સ ખંભાળિયામાં ઝબ્બે
રોકડ તથા ચોરાઉ મોબાઈલ કબજે કરાયાઃ
જામનગર તા.૧૦ ઃ ઓખાના ભુંગા વિસ્તારમાં બે સપ્તાહ પૂર્વે મકાનમાંથી રોકડ તથા મોબાઈલની ચોરી કરનાર ઓખાના જ એક શખ્સને દેવભૂમિ દ્વારકા એલસીબીએ ખંભાળિયામાંથી પકડી પાડી ડીટેક્શન કર્યું છે. આ શખ્સે મોબાઈલ તથા રોકડ રકમ કાઢી આપ્યા છે.
ઓખાના ભુંગા વિસ્તારમાં આવેલા એક મકાનમાં ગઈ તા.૨૫ની રાત્રે ચોરી થઈ હતી. તે મકાનમાંથી રૃા.૨૦ હજાર રોકડા અને રૃા.૩ હજારનો મોબાઈલ ચોરાઈ ગયો હતો. તેની ફરિયાદ ઓખા મરીન પોલીસ સ્ટેશનમાં કરાઈ હતી.
આ ગુન્હાની ચાલી રહેલી તપાસ દરમિયાન દેવભૂમિ એલસીબીના પીએસઆઈ બી.એમ. દેવમુરારી તથા એએસઆઈ અરજણભાઈ મારૃ, ડાડુભાઈ જોગલને બાતમી મળી હતી કે, ખંભાળિયાના સલાયા રોડ પર અન્ડરબ્રિજ પાસે એક શખ્સ ચોરાઉ મોબાઈલ સાથે આવ્યો છે.
તે બાતમીથી પીઆઈ કે.કે. ગોહિલને વાકેફ કરાયા પછી અન્ડરબ્રિજ પાસેથી ઓખાના બર્માસેલ કવાર્ટરમાં રહેતા કાદર અબ્દુલ તુરક ઉર્ફે કાદરીયા નામના શખ્સને અટકાયતમાં લેવાયો હતો તેની તલાશી લેવાતા તેના કબજામાંથી એક મોબાઈલ અને રૃા.૬,૯૫૦ રોકડા સાંપડ્યા હતા. તે બાબતની પૂછપરછ કરાતા આ શખ્સે ઉપરોક્ત ચોરીને અંજામ આપ્યાની કબૂલાત કરી છે. આ શખ્સનો કબજો ઓખા પોલીસને સોંપવાની તજવીજ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
