Author: નોબત સમાચાર
ટીબી હોસ્પિટલમાં તસ્કરોએ રૃા.૩૧ હજારની મત્તાની ચોરી કર્યાનું ખૂલ્યું
સાત બેટરી, એક્સ-રે ફિલ્મ ઉઠાવી ગયાઃ
જામનગર તા. ૨૯ઃ જામનગરની ટીબી હોસ્પિટલમાં રવિવારની રાત્રિથી સોમવારથી સવાર સુધીમાં ત્રાટકેલા કોઈ તસ્કરોએ રૃા.૩૧ હજારની મત્તાની ચોરી કરી લીધી હતી. આ હોસ્પિટલના તબીબે નોંધાયેલી ફરિયાદ પરથી પોલીસે તપાસ શરૃ કરી છે. હોસ્પિટલના કેટલાક સીસીટીવી કેમેરા તસ્કરોએ તોડી નાખ્યા હતા.
જામનગરના નવાગામ ઘેડ વિસ્તાર પાસે આવેલી ટીબી હોસ્પિટલ (ક્ષય સારવાર કેન્દ્ર) માં રવિવારની સાંજના પોણા આઠ વાગ્યાથી સોમવારની સવાર સુધીમાં કોઈ તસ્કરો ઘૂસી ગયા હતા. હોસ્પિટલના એક ઓરડાની બારીના સળીયા વાળી નાખી તસ્કરોએ પ્રવેશ મેળવ્યો હતો.
તે પછી જુદા જુદા ઓરડાઓમાં તસ્કરોએ ખાંખાખોળા કર્યા હતા. જેમાં તસ્કરોને એમ્રોન કંપનીની સાત બેટરી હાથ લાગી હતી. તે બેટરી ઉપરાંત એક્સ-રે રૃમમાંથી એક હજાર જેટલી ફિલ્મ પણ ચોરી કરી લેવામાં આવી હતી.
તસ્કરોએ હોસ્પિટલમાં મુકવામાં આવેલા સીસીટીવી કેમેરા તોડીને જમીન પર ફેંકી દીધા હતા. આ બાબત ગઈકાલે સવારે હોસ્પિટલ આવેલા ડો. ધીરેન જે. પીઠડીયાને જાણ થઈ હતી. તેઓએ સ્ટાફને વાકેફ કર્યા પછી પોલીસને પણ જાણ કરી હતી. દોડી ગયેલા પીએસઆઈ એસ.વી. સામાણીએ ડો. પીઠડીયાની ફરિયાદ પરથી અજાણ્યા તસ્કરો સામે કુલ રૃા.૩૧ હજારની મત્તાની ચોરી કરી જવા અંગે આઈપીસી ૩૮૦, ૪૫૪, ૪૫૭ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
