Author: નોબત સમાચાર
કિમ જોંગે સેનાના ટોચના જનરલને હટાવ્યા : સેનાને યુદ્ધ માટે તૈયાર રહેવા આદેશ
ઉ.કોરિયાના માથા ફરેલા તાનાશાહ
પ્યોંંગયાંગ તા. ૧૦ઃ ઉ.કોરિયાના માથા ફરેલા તાનાશાહ કિમ જોંગે ટોપ જનરલને હટાવીને બીજાની નિમણૂક કરી છે અને સેનાને યુદ્ધની તૈયારી કરવા કહ્યું છે.
ઉત્તર કોરિયાના તાનાશાહ કિમ જોંગે પોતાની સેનાના ટોચના જનરલને બદલી નાખ્યા છે. એટલું જ નહીં, કિમે સેનાને યુદ્ધની સ્થિતિમાં તૈયાર રહેવા કહ્યું છે. કિમે હથિયારોના ઉત્પાદનમાં વધારો અને લશ્કરી કવાયત વધારવાનો આદેશ આપ્યો છે. ઉત્તર કોરિયાની સત્તાવાર ચેનલ કે.આર.ટી. અનુસાર, કિમે સેન્ટ્રલ મિલિટ્રી કમિશનની બેઠકની અધ્યક્ષતા કરી હતી. આ દરિમયાન ઉત્તર કોરિયાના દુશ્મનોને રોકવા માટેના જવાબી પગલાંની યોજના પર ચર્ચા કરવામાં આવી હતી.
જો કે, કોઈ દુશ્મન દેશનું નામ લેવામાં આવ્યું ન હતું. કે.આર.ટી. દ્વારા જારી કરાયેલ ફોટામાં જોઈ શકાય છે કે કિમ દક્ષિણ કોરિયાની રાજધાની સિયોલ અને તેની આસપાસના વિસ્તારો તરફ ઈશારો કરતા જોવા મળી રહ્યા છે.
મીડિયાના જણાવ્યા અનુસાર, જનરલ રી યોંગ ગિલને નવા જનરલ બનાવવામાં આવ્યા છે, તેઓ સેનાના ટોચના જનરલ સ્ટાફના વડા, પાક સુ ઈલના સ્થાને છે. પાક સુઈલને હટાવવાનું કોઈ ચોક્કસ કારણ આપવામાં આવ્યું નથી. જો કે, હજુ સ્પષ્ટ નથી થયું રી યોંગ ગિલ સંરક્ષણ પ્રધાન તરીકે ચાલુ રહેશે કે નહીં, રિપોર્ટ અનુસાર, કિમે હથિયારોની ઉત્પાદન ક્ષમતા વધારવાનું લક્ષ્ય પણ નક્કી કર્યું છે. ગયા અઠવાડિયે, તેણે વેપન્સ ફ્રેકટરીની પણ મુલાકાત લીધી હતી, જ્યાં તેણે વધુ મિસાઈલ એન્જિન, આર્ટિલરી અને અન્ય હથિયારો બનાવવા કહ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
