Author: નોબત સમાચાર
નગરના આશાસ્પદ યુવાનને મરી જવાની દુષ્પ્રેરણા આપવા અંગે પિતા-પુત્રી સામે રાવ
અરજી અન્વયે કરાયેલી કાર્યવાહીનો રિપોર્ટ માગતી કોર્ટઃ
જામનગર તા. ૧૦ઃ જામનગરના એક આશાસ્પદ યુવાને સવા બે મહિના પહેલા આત્મહત્યા કરી હતી. સીએનો અભ્યાસ કરતા આ યુવાનને એક યુવતી તથા તેના પિતાએ આત્મહત્યા માટે મજબૂર કર્યાની મૃતકના માતાએ પોલીસને અરજી પાઠવ્યા પછી પગલાં નહીં ભરાતા આખરે માતાએ અદાલતનો આશરો લીધો છે. અદાલતે અરજી અન્વયે કરાયેલી કાર્યવાહીનો પોલીસ પાસે રિપોર્ટ માગ્યો છે.
જામનગરના લાલવાડી વિસ્તારમાં વસવાટ કરતા શ્યામ પરેશભાઈ ઝાલા નામના સીએનો અભ્યાસ કરતા યુવાને ગઈ તા.૨૯ મેના દિને પોતાના ઘરે ગળાફાંસો ખાઈ આત્મ હત્યા કરી લીધી હતી. જે તે વખતે હેબતાયેલા તેમના પરિવારે આ યુવાને ભણતરના ટેન્શનના કારણે આત્મહત્યા વ્હોર્યાની આશંકા વ્યક્ત કર્યા પછી તે યુવાનની અંતિમવિધિ ની ક્રિયા પૂર્ણ થયા પછી માતા માલાબેને પોતાના પુત્રનો મોબાઈલ ચેક કરતા તેમાં એક યુવતીના કેટલાક મેસેજ જોવા મળ્યા હતા.
તે બાબતે માલાબેને પોતાના મોટા પુત્ર જય સાથે વાત કરતા તેણે જણાવ્યા મુજબ છએક મહિના પહેલા જામનગરમાં વાલકેશ્વરીનગરી માં રહેતા ચિંતલભાઈ વોરા અને પિનલ વોરા પોતાના ઘરે આવ્યાની અને શ્યામને ધમકી આપી ગયાની તેમજ ત્યાંથી શ્યામ ડરેલો રહેતો હોવાની વાત માતાને કરી હતી. વધુમાં જાણવા મળ્યા મુજબ શ્યામને પોતાની સાથે અભ્યાસ કરતી એક વિદ્યાર્થિની સાથે મિત્રતા હતી અને તેની જાણ આ યુવતીના પિતાને થતાં તેઓએ શ્યામને ધાક ધમકી આપી હતી.
ઘેર આવી શ્યામને ધમકાવાયા પછી પણ તે યુવતી શ્યામને મેસેજ કરતી હોવાનું ખૂલતા માતા માલાબેને પોતાના પુત્રને આત્મહત્યા માટે ચિંતલભાઈ વોરા અને પિનલ ચિંતલભાઈ વોરાએ મજબૂર કર્યાની રજૂઆત કરતી અરજી પોલીસને આપી હતી. તેમ છતાં પગલાં ભરવામાં ન આવતા આખરે માતાએ અદાલતમાં ફરિયાદ નોંધાવી છે. અદાલતે માતાની લેખિતમાં મળેલી અરજી પર પોલીસે શું કાર્યવાહી કરી તેનો રિપોર્ટ માગ્યો છે. ફરિયાદી માલાબેન તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
