Author: નોબત સમાચાર
રાજ્ય શૈક્ષણિક સંઘના આંદોલનનો પાંચમો તબક્કો શરૃઃ મૌન ધરણાં અને બ્લેક સપ્તાહ
ગ્રાન્ટેડ શાળાઓના પડતર પ્રશ્નો તાકીદે ઉકેલવાની માંગણી સાથે
ખંભાળીયા તા. ૧૦ઃ ગુજરાત રાજ્યની ગ્રાન્ટેડ શાળાઓના જુની પેન્શન યોજના લાગુ કરવા તથા પૂરતા સ્ટાફ ભરવા તથા અન્યાયી ગ્રાંટ નીતિ સહિતના વિવિધ પડતર પ્રશ્નો અંગે ગત તા. ર૦-૭-ર૩ થી શરૃ થયેલ આંદોલન હવે પાંચમાં તબક્કામાં પ્રવેશ્યું છે.
શૈક્ષણિક સંઘ સંકલન સમિતિના જે.પી. પટેલ, ભાસ્કર પટેલ, ડો. શંકરસિંહ રાણા, ડો. પ્રિયવદન કોરાટ સહિતની આગેવાનીમાં ચાલતા આ આંદોલન અંગે વિગતો આપતા ભરત ચૌધરી તથા ભાનુભાઈ પટેલે જણાવેલ કે ૮-૮-ર૩ ના શૈ. સંઘ સંકલન સમિતિની બેઠક અનુસાર હવે આ આંદોલન પાંચમા તબક્કામાં પ્રવેશ્યું છે.
તા. ૧ર-૮-ર૩ ના બપોરે ૧ર થી ૩ વાગ્યા સુધી રાજ્યના દરેક તાલુકા મથકોએ જાહેર સ્થળે પ્લેકાર્ડ સાથે તમામ શાળા સંચાલકો, શિક્ષકો, આચાર્યો બિન શૈ. સ્ટાફ મૌન ધરણાંનો કાર્યક્રમ કરશે.
આ પછી તા. ૧૭-૮ થી તા. ર૪-૮ સુધી તમામ શાળાના તમામ કર્મચારીઓ તથા સંચાલક મંડળના સદસ્યો, હોદ્દેદારો, કાળા વસ્ત્રો ધારણ કરી ફરજ બજાવીને બ્લેક સપ્તાહ તરીકે આ કાર્યક્રમ ઉજવશે જેમાં સમગ્ર રાજ્યની તમામ ગ્રાંટેડ શાળાઓ જોડાશે.
રાજ્ય સરકારના મંત્રીઓ દ્વારા ત્રણ-ત્રણ વખત જાહેરાતો પછી પણ સરકારે પરિપત્રો ના કરતા પડતર માંગણીઓ અંગે આ આંદોલન સમગ્ર રાજ્યમાં ચાલે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
