Author: નોબત સમાચાર
નાગરિકોના પ્રશ્નોનો સમયોચિત ઉકેલ લાવવા તંત્રને કૃષિમંત્રી રાઘવજી પટેલની તાકીદ
વિવિધ વિભાગના અધિકારીઓ સાથે બેઠક યોજીઃ
જામનગર તા. ૧૦ઃ રાજ્યના કૃષિ મંત્રી રાઘવજીભાઈ પટેલે કલેક્ટર કચેરીના સભાખંડમાં નાગરિકોના પ્રશ્નોનું ત્વરિત નિવારણ આવે તે માટે જિલ્લા કલેક્ટર બી.એ. શાહ સહિત વિવિધ વિભાગોના અધિકારીઓ સાથે બેઠક યોજી જરૃરી ચર્ચા-વિચારણા કરી હતી. જે બેઠકમાં મહેસુલ વિભાગ, ડી.આઈ.એલ.આર., માર્ગ અને મકાન, સિંચાઈ, મત્સ્યોદ્યોગ, ક્ષાર અંકુશ સહિતના વિભાગો બેઠકમાં ઉપસ્થિત રહ્યા હતાં.
રાઘવજીભાઈએ આ તકે રોડ પર ડિવાઈડર મૂકવા, બિનખેતી થયેલ પલોટો માટે અવરજવરના રસ્તાઓ અંગે કાર્યવાહી હાથ ધરવા, જરૃરી ડિવાઈડરો મૂકવા, ટ્રાફિક સમસ્યાઓનું નિવારણ કરવા, વિવિધ ગામોની માપણી પછીની સ્થિતિ, જિલ્લામાં સ્ટાફ તથા મશીનરીની ફાળવણી, કમી જાસ્તી પત્રકની વિગતો, સી.સી. રોડના કામો, રસ્તાના પેચવર્કના કામો, સ્ટેટ હાઈ-વેના અધુરા કામો, હાઈ-વે પર જંગલ કટીંગનું કામ, રસ્તાના મેટલીંગના કામ, સસોઈ ડેમ કેનાલની બાજુના રસ્તા પર માટી-મોરમ ભરવી, ડેમની કેનાલને કટીંગ કેનાલમાં ફેરવવી, ડેમના હેઠવાસમાં પેચીંગનું કામ કરવું, વિજરખી સિંચાઈ યોજનાની કેનાલને ડીપ કેનાલમાં પરિવર્તિત કરવી, કેનાલ પર નવા પુલિયા બનાવવા, પુરસંરક્ષણ દીવાલના કામો, ડેમ તથા તળાવો ઊંડા ઉતારવા, બાલાચડી દરિયાનો પાળો બાંધવો, ખીરી ગામે આવેલ બંધારાની ર ફૂટ ઊંચાઈ વધારાવી, બંધારા યોજનાના પાળા રીપેર કરવા, નવા ચેકડેમ રીપેર કરવા, ચેકડેમ તથા તળાવ રીપેર કરવા વગેરે જેવી લોકોની રજૂઆતો તથા પ્રશ્નો અંગે લગત અધિકારીઓ સાથે વિસ્તારપૂર્વક ચર્ચા કરી હતી અને સત્વરે યોગ્ય કાર્યવાહી હાથ ધરવા જણાવ્યું હતું. આ બેઠકમાં જિલ્લા કલેક્ટર બી.એ. શાહ, અધિક કલેક્ટર બી.એન. ખેર, સર્વે પ્રાંત અધિકારીઓ, કાર્યપાલક ઈજનેર સ્ટેટ તથા પંચાયત, જી.એસ.આર.ડી.સી. સહિત લગત વિભાગોના અધિકારીઓ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
