Author: નોબત સમાચાર
સાંકળી શેરીમાંથી કાર ચલાવવા પ્રશ્ને મોટા વડાળામાં બે પાડોશી બાખડ્યા
બંને પક્ષે હુમલાની નોંધાવી સામસામી ફરિયાદઃ
જામનગર તા.૧૦ ઃ કાલાવડના મોટા વડાળા ગામના એક મહિલાએ પોતાની ઘરની સાંકળી શેરીમાંથી મોટર નહીં કાઢવાનું કહેતા તે મહિલા પર ત્રણ વ્યક્તિએ હુમલો કર્યાની પોલીસમાં ફરિયાદ કરાઈ છે. જ્યારે સામા પક્ષના મહિલાએ પણ હુમલાની વળતી ફરિયાદ નોંધાવી છે.
કાલાવડ તાલુકાના મોટા વડાળા ગામમાં રહેતા જયાબેન ધીરૃભાઈ શિંગાળા જે શેરીમાં રહે છે તે શેરી સાંકળી હોવાથી આ મહિલાએ તે શેરીમાંથી કાળુભાઈ ભીમાભાઈ ખટાણાને બોલેરો નહીં ચલાવવાનું કહેતા તેનો ખાર રાખી ગઈકાલે સાંજે કાળુભાઈ, હંસાબેન તથા શિતલબેને ગાળો ભાંડી ઝઘડો કર્યાે હતો અને જયાબેનના પતિ ધીરૃભાઈ પરબતભાઈને ઢીકાપાટુથી માર મારી પતાવી દેવાની ધમકી આપી હતી.
ઉપરોક્ત ફરિયાદ જયાબેને કાલાવડ ગ્રામ્ય પોલીસ સ્ટેશનમાં નોંધાવી છે તેની સામે સામા પક્ષના શિતલબેન કમલેશભાઈ ખટાણાએ વળતી ફરિયાદ કરી છે. તેઓએ જણાવ્યા મુજબ કાળુભાઈ પોતાની બોલેરો લઈને જયાબેનના ઘર પાસેથી નીકળતા આ મહિલાએ ગાળો ભાંડી હતી. તેથી સમજાવવા ગયેલા શિતલબેન અને જેઠાણી હંસાબેનને પણ ગાળો ભાંડી જયાબેન પટેલે ઢીકાપાટુથી હુમલો કર્યાે હતો. પોલીસે બંને ફરિયાદ રજીસ્ટરે લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
