જિલ્લા વિકાસ અધિકારીની મોટર સાથે અકસ્માત સર્જી સ્કૂટરના ચાલક પુત્ર અને પિતાએ આપી ધમકી

Author: નોબત સમાચાર

જિલ્લા વિકાસ અધિકારીની મોટર સાથે અકસ્માત સર્જી સ્કૂટરના ચાલક પુત્ર અને પિતાએ આપી ધમકી

મોટરમાં થયું રૃપિયા સાત હજારનું નુકસાનઃ

જામનગર તા.૧૭ ઃ જામનગરના ડીડીઓની સરકારી મોટર ગઈકાલે સાંજે દિગ્વિજય પ્લોટ વિસ્તારમાંથી પસાર થતી હતી ત્યારે એક સ્કૂટરે પાછળથી ટક્કર મારતા ડ્રાઈવરે તેને કહ્યું હતું જેની સામે સ્કૂટરના ચાલક અને તેના પિતાએ ડ્રાઈવરને ગાળો ભાંડી ધમકી આપતા પોલીસમાં ફરિયાદ કરાઈ છે.

જામનગરના જિલ્લા વિકાસ અધિકારીને ફાળવવામાં આવેલી જીજે-૧૦-જીએ ૨ નંબરની સરકારી ઈનોવા મોટર ચલાવીને ગઈકાલે સાંજે તેના ડ્રાઈવર જીતેન્દ્ર તુલસીદાસ ચોલેરા પવનચક્કીથી જોલી બંગલા તરફ જતાં હતા.

તેઓ જ્યારે દિગ્વિજય પ્લોટ વિસ્તારમાં નવાનગર બેંકની શાખા પાસે પહોંચ્યા ત્યારે પાછળથી પૂરપાટ ઝડપે ધસી આવેલા જીજે-૧૦-એઆર ૮૯૭૧ નંબરના લાલ રંગના એક્સેસ સ્કૂટરના ચાલકે પાછળથી તે મોટરમાં ઠોકર મારી હતી.

તે પછી સરકારી મોટરમાં બમ્પર તેમજ પાછળની લાઈટ તૂટી જતાં રૃા.સાતેક હજારનું નુકસાન થયું હતું તેથી ડ્રાઈવર જીતેન્દ્રભાઈએ સ્કૂટરના ચાલકને કહેતા સ્કૂટરના ચાલક તથા તેની સાથે રહેલા તેના પિતાએ જીતેન્દ્રભાઈને ગાળો ભાંડી થાય તે કરી લેવાની શેખી મારી સીન જમાવ્યો હતો અને જાનથી મારી નાખવાની ધમકી પણ આપી હતી. જીતેન્દ્રભાઈએ સિટી-એ ડિવિઝન પોલીસ સ્ટેશનમાં પિતા-પુત્ર સામે ફરિયાદ નોંધાવી છે.

જો આપને આ પોસ્ટ ગમી હોય તો શેર કરો...