Author: નોબત સમાચાર
જામનગરમાં ૬૦ કિ.મી.ની ઝડપે પવન ફૂંકાતા ગરમીમાં રાહતઃ મહત્તમ તાપમાન ૩૭ ડીગ્રી નોંધાયું
બે દિ' પહેલા પારો ૪૦ ડીગ્રીને આંબવા લાગ્યો હતોઃ
જામનગર તા. ૧પઃ છેલ્લા ર૪ કલાકમાં મહત્તમ તાપમાન ૩૭ ડીગ્રી નોંધાયુંછે, જે બે દિ' પહેલા ૪૦ દીગ્રીને આંબવા લાગ્યું હતું. ભારે પવન ફૂંકાતા લોકએ એકંદરે ઠંડક પણ અનુભવી હતી.
જામનગરના તાપમાનમાં ફરીથી પલટો આવ્યો છે અને પ્રતિકલાક ૬૦ કિ.મી. ઝડપે મીની વાવાઝોડા રૃપી પવન ફૂંકાયો હોવાથી ગરમીમાં આંશિક રાહત જોવા મળી હતી. ઉપરાંત ગરમીનો પારો ૪૦ ડીગ્રીથી નીચી ઉતરીને ૩૭ ડીગ્રી આસપાસ રહ્યો હતો. આથી હીટવેવમાં પણ રાહત જોવા મળી છે. જામનગરમાં બે દિવસ પહેલા ગરમીનો પારો ૪૦ ડીગ્રી આસપાસ રહ્યો હોવાથી લોકો તોબા પોકારી ઊઠ્યા હતાં, પરંતુ ગઈકાલથી તેમાં બદલાવ આવ્યો છે અને પવનની તીવ્રતામાં વધારો જોવા મળ્યો છે.
તોફાની પવન ફૂંકાઈ રહ્યો હોવાથી ધૂળની ડમરીઓ ઊડી હતી, ઉપરાંત હીટ વેવમાં પણ થોડી રાહત જોવા મળી હતી. સાથોસાથ ભેજ પણ વધ્યો હોવાથી વહેલી સવારે વાતાવરણમાં ઠંડક જોવા મળી હતી.
જો કે, બપોર દરમિયાન ગરમીનો પારો ૩૭ ડીગ્રી આસપાસ પહોંચ્યો હોવાથી આકરા તાપનો અનુભવ થયો હતો. જામનગર જિલ્લા કલેક્ટર કચેરીના કંટ્રોલ રૃમના જણાવાયા અનુસાર આજે સવારે ૮ વાગ્યે પૂરા થતાં ર૪ કલાક દરમિયાન લઘુતમ તાપમાન ર૮.પ ડીગ્રી, જ્યારે મહત્તમ તાપમાન ૩૭ ડીગ્રી નોંધાયું છે. વાતાવરણમાં ભેજનું પ્રમાણ ૭૮ ટકા રહ્યું હતું, જ્યારે પવનની ગતિ સરેરાશ પ્રતિકલાક પ૦ કિમીની ઝડપ રહી હતી, જે વધીને ૬૦ કિ.મી. સુધી પહોંચી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
