Advertisement
Author: નોબત સમાચાર

જુગારના નવ દરોડામાં પાંચ મહિલા સહિત સત્તાવન પકડાયાઃ પોણા આઠ લાખનો મુદ્દામાલ ઝબ્બે

૫૨ શખ્સ અને ૫ મહિલા સામે નોંધાયો જુગારધારા હેઠળ ગુન્હોઃ ૩ શખ્સ ફરારઃ

જામનગર તા. ૧૫ઃ જામનગરના ગોકુલનગર તેમજ ખીમરાણા, દડિયા, મોખાણા, ચંગા, વિજરખી ગામોમાં અને જામજોધપુરના સમાણા, શેઠવડાળામાં ગઈકાલે પોલીસે જુગારના પાડેલા ૯ દરોડામાં ૫ મહિલા ૪૯ શખ્સ જુગાર રમતા ઝડપાયા હતા. ૩ નાસી ગયા હતા. તમામ સ્થળેથી મોબાઈલ, રોકડ, બાઈક સહિત રૃપિયા પોણા આઠ લાખનો મુદ્દામાલ કબજે કરાયો છે.

જામનગરના ગોકુલનગર નજીકની વૃંદાવન સોસાયટીની શેરી નં.રમાં ગઈરાત્રે જાહેરમાં જુગાર રમાતો હોવાની બાતમી મળતા સિટી-સી ડિવિઝનના સ્ટાફે દરોડો પાડ્યો હતો. ત્યાંથી ગંજીપાના વડે જુગાર રમતા ગોપાલ ભરતભાઈ અદગામા, અશોક વલ્લભભાઈ વાઘેલા, જગદીશ દિલીપભાઈ ડાભી, મુકેશ કાળુભાઈ સીરોયા, વિનોદ સુખાભાઈ વાઘેલા, ધર્મેશ નરશીભાઈ પાટડીયા, રાહુલ દિલીપભાઈ ડાભી, રવિ ભીખાભાઈ પરમાર, સંજય સુખાભાઈ વાઘેલા, ભીખુભાઈ જયંતીભાઈ વિરમગામા, પંકજ રામજીભાઈ ધામેચા નામના અગિયાર શખ્સ રૃા.૩૮,૩૦૦ રોકડા સાથે ઝડપાઈ ગયા હતા.

જામનગર તાલુકાના ખીમરાણા ગામમાં ગઈકાલે બપોરે તીનપત્તી રમતા દિનેશ મગનભાઈ કટેશીયા, ભગવાનજી ભીખાભાઈ ગમારા, કિશન ભરતભાઈ મકવાણા નામના ત્રણ શખ્સ ઝડપાઈ ગયા હતા. જ્યારે વિપુલ જસાભાઈ ધારવીયા, મનોજ મોહનભાઈ ધારવીયા, કેશવજીભાઈ સતવારા નામના ત્રણ શખ્સ નાસી ગયા હતા. પોલીસે પટમાંથી રૃા.૫૫૯૦ રોકડા કબજે કર્યા છે.

જામનગર તાલુકાના દડિયા ગામમાં ગઈકાલે સાંજે રોનપોલીસ રમતા મિતેશ રમેશભાઈ નંદા, હર્ષ કિશોરભાઈ લખીયર, રમેશ ગિરધરભાઈ લખીયર, હેમત બાબુભાઈ લખીયર, ભીખાભાઈ ભવાનભાઈ લખીયર નામના પાંચ શખ્સને પોલીસે પકડી પાડ્યા હતા. પટમાંથી રૃા.૮૨૨૦ રોકડા કબજે કરાયા છે.

જામજોધપુર તાલુકાના તરસાઈ ગામમાં નવાપરા વિસ્તારમાં બે શખ્સ પોતાના મકાનમાં જુગાર રમાડતા હોવાની બાતમી જામજોધપુર પોલીસ સ્ટેશનના હે.કો. પ્રજ્ઞરાજસિંહ, દિલીપસિંહ, અશોકભાઈ ગાગીયાને મળતા પીઆઈ વાય.જે. વાઘેલાના વડપણ હેઠળ સ્ટાફે ત્યાં આવેલા પ્રવીણ વાઘજીભાઈ ચાંગેશા ઉર્ફે ભલાભાઈ તથા જનક ધનજીભાઈ ચુડાસમાના મકાનમાં દરોડો પાડ્યો હતો. ત્યાંથી ભીખુ ભાણજીભાઈ ધોકીયા, ગગુભાઈ ખીમાભાઈ ખુટી, ભાયાભાઈ ધીરૃભાઈ લુદરીયા, સુરેશ નારણભાઈ મોરી, કિશન નાનજીભાઈ ધોકીયા, મનીલ ગોવિંદભાઈ સુરેજા, બાવનભાઈ રૈયાભાઈ છેલાળા, માલદે બાવનભાઈ ગોજીયા નામના આઠ શખ્સ નાલ આપી જુગાર રમતા મળી આવ્યા હતા. પોલીસને જોઈને વાંસજાળીયાનો કૈલાશ પટેલ નામનો શખ્સ નાસી ગયો હતો. પટમાંથી રૃા.૭૦૧૦૦ રોકડા, આઠ મોબાઈલ, પંદર બાઈક મળી કુલ રૃા.૬૦૦૧૦૦નો મુદ્દામાલ કબજે કરાયો છે. પોલીસે અગિયારેય શખ્સો સામે ગુન્હો નોંધ્યો છે.

જામજોધપુર તાલુકાના સમાણા ગામમાં ગઈકાલે સાંજે ગંજીપાના કૂટતા વસરામભાઈ મંગાભાઈ પરમાર, પૂંજાભાઈ વીરાભાઈ પરમાર, કરશનભાઈ વાલજીભાઈ વાઘેલા, અમરશી રાજાભાઈ ચાવડા, મનસુખ ભોજાભાઈ વાઘેલા નામના પાંચ શખ્સ રૃા.૧૨૭૦ સાથે ઝડપાઈ ગયા છે.

શેઠવડાળાના જમાઈપરામાં ગઈકાલે સાંજે જાહેરમાં તીનપત્તી રમતા રમાબેન દિલીપભાઈ ચૌહાણ, મધુબેન ખોડુભાઈ પરમાર, જયોત્સનાબેન મગનભાઈ સીતાપરા, વનીતાબેન ગોગનભાઈ પાટડીયા, શારદાબેન કાળુભાઈ પોઢવીયા નામના પાંચ મહિલા પોલીસના દરોડામાં પકડાયા છે. પટમાંથી રૃા.૨૩૭૦ કબજે કરાયા છે.

જામનગર તાલુકાના મોખાણા ગામના વાડી વિસ્તાર માંથી ગઈકાલે સાંજે તીનપત્તી રમતા કેતન ધીરૃભાઈ પરમાર, ગોવિંદ ખોડાભાઈ સીતાપરા, જયેશ જયંતિભાઈ મકવાણા, મહેશ મોહનભાઈ બાબરીયા નામના ચાર શખ્સ રૃા.૧૦૬૮૦ સાથે ઝડપાયા છે.

જામનગર તાલુકાના વિજરખી ગામમાં ગઈકાલે રાત્રે તીનપત્તી રમતા દેવશીભાઈ સવજીભાઈ ચૌહાણ, કારાભાઈ શામજીભાઈ વડગામા, રાજેશ ચનાભાઈ રોરીયા, અજય દેવજીભાઈ વડગામા નામના ચાર શખ્સને પંચકોશી-એ ડિવિઝનના સ્ટાફે રૃા.૩૧૫૦ સાથે પકડી પાડ્યા છે.

જામનગર તાલુકાના ચંગા ગામમાં રંગમતી ડેમના ઢાળીયા પાસે ગઈરાત્રે દોઢ વાગ્યે પોલીસે દરોડો પાડતા ત્યાં જુગાર રમતા અનિરૃદ્ધસિંહ અજીતસિંહ જાડેજા, દિલીપસિંહ મનુભા પીંગળ, દિવ્યરાજસિંહ પ્રતાપસિંહ જાડેજા, જયેન્દ્રસિંહ હેમતસિંહ જાડેજા, પૃથ્વીરાજસિંહ કિરીટસિંહ જાડેજા, સંદીપસિંહ પ્રવીણસિંહ જાડેજા નામના છ શખ્સ રૃા.૧૨૩૫૦ સાથે ઝડપાઈ ગયા હતા.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh