Author: નોબત સમાચાર
જામનગરના કસ્ટમ સુપ્રિન્ટેન્ડેન્ટની રૃપિયા બે લાખની લાંચના કેસમાં ધરપકડ કરતી સીબીઆઈ
મુન્દ્રામાં કન્ટેનર ક્લિયરીંગ માટે માંગી હતી લાંચ
જામનગર તા. ૧પઃ કચ્છના મુન્દ્રામાં જામનગરના કસ્ટમ સુપ્રિન્ટેન્ડેન્ટ વતી રૃપિયા બે લાખની લાંચની રકમ સ્વીકારનાર વચેટિયાને સીબીઆઈ દ્વારા ઝડપી લેવાયો હતો. આ પછી જામનગરના કસ્ટમ સુપ્રિ.ની પણ ધરપકડ કરવામાં આવી હોવાનું જાણવા મળે છે, જો કે આ બાબતે કોઈ સત્તાવાર માહિતી જાહેર કરવામાં આવી નથી.
વર્ષ ર૦ર૧-રર માં મુન્દ્રા કસ્ટમમાં ડોક એક્ઝામિનેશન એક્શનમાં ઈન્સ્પેક્ટર તરીકે ફરજ બજાવતા અધિકારી દ્વારા ક્લિયર કરેલ કન્ટેનર પર નક્કી કરેલ આશરે ૭ લાખની રકમ તેમને મળે તે પહેલા જ તેમને સુપ્રિ. તરીકે જામનગર કસ્ટમમાં બદલી થવા પામી હતી.
આ રકમ મેળવવા માટે અધિકારી દ્વારા પાર્ટીને સતત ફોન કરીને હેરાન કરવામાં આવતા હોવાથી આખરે ફરિયાદી પાર્ટી દ્વારા સીબીઆઈનો સંપર્ક કરવામાં આવ્યો હતો. જેના અનુસંધાને ગઈકાલે છટકુ ગોઠવાયું હતું. જેમાં અધિકારી વતી ગઈકાલે એક વચેટિયાને પૈસા લેવા માટે મોકલવામાં આવ્યે હતો જેણે રૃપિયા બે લાખની લાંચની રકમ સ્વીકારતા જ સીબીઆઈએ તેને ઝડપી લીધો હતો. આ પછી તેની પૂછપરછમાં પૂર્વ ઈન્સ્પેક્ટર અને હાલમાં જામનગરના કસ્ટમ સુપ્રિ. વતી પૈસા મેળવ્યા હોવાનું જણાવતા સીબીઆઈની ટીમે ગઈ મોડી સાંજે જામનગરથી કસ્ટમ સુપ્રિટેન્ડેન્ટની પણ ધરપકડ કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
