Author: નોબત સમાચાર
સલાયા કસ્ટમ્સ સાથે હેડક્વાટર અને ડિવિ. દ્વારા રૃમેજીંગ ચેકીંગથી પારાવાર હાલાકી વધી
સલાયાના વહાણવટીઓને
જામનગર તા. ૧પઃ સલાયાનો મુખ્ય વ્યવસાય દરિયા સાથે સંકળાયેલ છે. આ દરિયામાં માછીમારી તેમજ વહાણનો વ્યવસાય મુખ્ય છે. જેના લીધે સલાયાનું અર્થતંત્ર ચાલે છે. હાલ વરસાદી મહિનાઓમાં વહાણો સલાયા બંદરે આવી અને સમારકામ કરે છે. જરૃરી રીપેરીંગ પૂર્ણ થતા અને સરકારની મંજૂરીથી આ વહાણો અખાતના દેશોમાં વ્યવસાય માટે જાય છેે. જ્યાં જુદા-જુદા અખાતી દેશોમાં નુર એટલે કે ભાડા કરી અને વ્યવસાય કરતું હોય છે. આજ દિવસ સુધી આ વહાણ જ્યારે બિચિંગ સીઝનમાં સલાયા હોય અને જરૃરી સમારકામ કરતું હોય છે, ત્યારબાદ એ બહાર જાય ત્યારે સલાયાના સ્થાનિક કસ્ટમ દ્વારા આ વહાણોમાં નિયમો મુજબ ચેકીંગ કરવામાં આવે છે અને જરૃરી નિયમ મુજબ ચેકીંગ કરી અને એમને અખાતી સિઝનમાં જવા દેવામાં આવે છે.
પરંતુ આ સિઝન પૂરી થતા પહેલીવાર એવું બન્યું કે, અહીંથી ખાલી વહાણો અખાતી દેશોમાં જતા હોય ત્યારે સલાયા કસ્ટમની સાથે હેડકવાટર એન ડિવિઝન પણ રૃમેઝિંગ એટલે કે ચેકીંગ કરે છે. જેના લીધે વહાણ માલિકોને ખાસી મુસીબતોનો સામનો કરવો પડે છે. જેમ કે, સલાયા બંદર ખાડી વિસ્તાર હોય, ત્યાં માત્ર દિવસમાં બે કલાક એવા પાણી હોય જેમાં વહાણો નીકળી શકે છે. જામનગરથી અને દૂરથી આવતી ચેકીંગ ટીમ થોડી વહેલી મોડી થાય એટલે વહાણ નીકળવામાં લેટ થાય છે. બીજું રોજના ૬ થી ૮ વહાણ નીકળતા હવે એ ફક્ત ૩ થી ૪ વહાણ જ નીકળી શકે છે. તેમજ નિયમ મુજબ રૃમેજિંગ ચેકીંગ પછી એનું સર્ટિફિકેટ ઈસ્યુ કરવાનું હોય છે. જે પણ અધિકારીઓ દ્વારા કરવામાં આવતું નથી. સલાયા બંદર ટ્રિબ્યુન છે, જેમાં ઘણાં વર્ષોથી અહીંથી વહાણમાં જીવન જરૃરી વસ્તુ અને સલામતીના સાધનો સિવાય કશું માલ લઈ જવાની પરવાનગી નથી તો ડિવિઝન અને હેડ ક્વાટર દ્વારા ચેકીંગ કરવાથી શું ફાયદો એ સમજાતું નથી આ ફક્ત સમયની બરબાદી છે, જેથી વહાણ માલિકોને તકલીફ પડી રહી છે. આ ચેકીંગ કચ્છ, માંડવી તેમજ અન્ય બંદરોમાં થતું નથી, ત્યાં પણ સ્થાનિક કસ્ટમ જ આ ચેકીંગ કરે છે. આ રૃમેઝિંગ ચેકીંગ કરી અને વહાણ માલિકોને હેરાન કરવા સિવાય કશું ઉદ્દેશ ના હોય, એવું સ્પષ્ટ જણાઈ આવે છે. તુરંત પહેલાની જેમ સ્થાનિક કસ્ટમને આ કામગીરી કરવા દેવામાં આવે એવી વહાણ માલિકોની માંગણી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
