શખ્સે સગીરાને દુષ્કૃત્યનો ભોગ બનાવી ચૂપ રહેવા આપી ધમકી

Author: નોબત સમાચાર

શખ્સે સગીરાને દુષ્કૃત્યનો ભોગ બનાવી ચૂપ રહેવા આપી ધમકી

સતત બે મહિના સુધી દુષ્કૃત્ય ગુર્જાયાની ફરિયાદ:

જામનગર તા.૧૫: દ્વારકાના એક શખ્સે બે મહિના પહેલા એક સગીરાને દ્વારકા-પોરબંદર ધોરીમાર્ગ પર તળાવ પાસે લઈ જઈ દુષ્કર્મ ગુજાર્યા પછી દુષ્કૃત્યનો સિલસિલો શરૂ કરી દેતાં કંટાળેલી સગીરાએ વાલીને વાત કર્યા પછી મામલો પોલીસ સુધી પહોંચ્યો છે. પોલીસે આરોપીની શોધ શરૂ કરી છે.

દ્વારકા શહેરના એક વિસ્તારમાં વસવાટ કરતા પરિવારની સગીર વયની પુત્રીને બેએક મહિના પહેલા દ્વારકા-પોરબંદર રોડ પર ચરકલા નજીક રેલવે ફાટક પાસે દ્વારકાના એડવન્ટ સિનેમા પાસે રહેતા મનોજ સામતભાઈ પરમારે રોકી હતી.

ત્યારપછી આ તરૂણીને તળાવ પાસે લઈ જઈ ત્યાં રહેલી નિર્જનતાનો લાભ લઈ અડપલા કર્યા પછી તે સગીરા પર પાશવી દુષ્કર્મ ગુજાર્યું હતું. તે કૃત્ય પછી મનોજ પરમારે દુષ્કર્મનો સિલસિલો શરૃ કર્યાે હતો. કોઈને વાત કરીશ તો પતાવી દઈશ તેવી ધમકી પણ આપી આ શખ્સે તે સગીરાને ચુપ રહેવા ફરજ પાડી હતી.

આ શખ્સના કૃત્યથી વાજ આવી રહેલી તે સગીરાએ પોતાના વાલીને વાત કર્યા પછી મામલો પોલીસ મથકે પહોંચ્યો હતો. પોલીસે તે ફરિયાદ પરથી આઈપીસી ૩૫૪ (એ) (બી), ૩૭૬ (ર) (૩) (એન) (એફ), ૫૦૬ (ર) તેમજ પોક્સો એક્ટ હેઠળ ગુન્હો નોંધી આરોપીની શોધ શરૂ કરી છે અને ભોગ બનનાર સગીરાને તબીબી ચકાસણી માટે ખસેડી છે.

જો આપને આ પોસ્ટ ગમી હોય તો શેર કરો...