Author: નોબત સમાચાર
ફલ્લામાં આવેલી દુકાન અંગેનો દાવો રદ્દ
બબ્બે અદાલતમાં ભાડુઆતનો થયો પરાજયઃ
જામનગર તા.૧૫ ઃ જામનગરના ફલ્લામાં આવેલી ભાડાવાળી એક દુકાન અંગે ભાડુઆતે અદાલતમાં દાવો કર્યા પછી તે દાવો રદ્દ થતાં ઉપલી અદાલતમાં અપીલ કરી હતી. તે અપીલ પણ રદ્દ થવા પામી છે.
જામનગર તાલુકાના ફલ્લા ગામમાં અશોક મનજીભાઈ નામના આસામીની દુકાન તા.૧-પ-૨૦૧૨ના દિવસથી હિતેશ પરસોત્તમ બોડાએ ભાડે રાખ્યા પછી તેમાં ભોલેનાથ પાન એન્ડ કોલ્ડ્રીંકસ નામની દુકાન શરૃ કરી હતી.
તે દુકાન ખાલી ન કરાવાય તે માટે કાયમી મનાઈહુકમ મેળવવા ભાઈલાલ દેવજીભાઈ ધમસાણીયા સામે જામનગરની અદાલતમાં હિતેશ બોડાએ દાવો કર્યાે હતો.
આ દાવામાં કાયમી મનાઈ હુકમ પણ માંગવામાં આવ્યો હતો. તે દાવો રદ્દ કરાતા હિતેશ બોડાએ જિલ્લા અદાલતમાં અપીલ કરી હતી. તે અપીલ ચાલવા પર આવતા ભાઈલાલ તરફથી હાજર થયેલા વકીલે દલીલ કરી હતી કે, હિતેશ બોડાએ પોતાના કાકાના નામના સ્ટેમ્પ પર બોગસ ભાડાચિઠ્ઠી ઉભી કરી છે. રેન્ટ એક્ટ અમલમાં નથી તેથી આ અપીલ રદ્દ થવાને પાત્ર છે.
તે દલીલ ગ્રાહ્ય રાખી અદાલતે હિતેશ બોડાની અપીલ ડીસમીસ કરી છે. ભાઈલાલ દેવજીભાઈ તરફથી આરોપીઓ તરફથી વકીલ નાથાલાલ ઘાડીયા, પરેશ સભાયા, હીરેન સોનગરા, રાકેશ સભાયા, ગજેન્દ્રસિંહ ઝાલા, નૈમિષ ઉમરેટીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
