Author: નોબત સમાચાર
ભૂગર્ભ ગટરના પ્રશ્ને બસપાના કોર્પોરેટરનો સ્ટે. કમિટી પાસે હોબાળો
મ્યુનિ. કમિશનરને ઘેરાવ પછી
જામનગર તા. ૧૫ઃ જામનગરના વોર્ડ નં. ૬માં ભૂગર્ભ ગટરના પ્રશ્ને આજે સ્થાનિક કોર્પોરેટરની આગેવાનીમાં સ્થાનિક રહેવાસીઓ દ્વારા મ્યુનિ. કમિશનરને ઘેરાવ કર્યા પછી સ્ટેન્ડીંગ કમિટી પાસે ભારે હોબાળો મચાવ્યો હતો. આખરે પોલીસને બોલાવાઈ હતી.
જામનગરમાં વોર્ડ નં. ૬માં ભૂગર્ભ ગટરની સફાઈ કામગીરી કોન્ટ્રાક્ટર પેઢી મારફત કરાવવામાં આવે છે જે ખૂબ જ નબળી થઈ રહી છે અને ટેન્ડરની શરતોનો ભંગ કરવામાં આવ્યો છે. આથી તાત્કાલીક રોજકામ કરીને પેનલ્ટી લગાવવી જોઈએ અને કામ સંતોષકારક નહીં હોવાથી બીલનું પેમેન્ટ અટકાવવું જોઈએ તથા પાર્ટીને બ્લેક લીસ્ટ કરવી જોઈએ જેવી રજુઆત સાથેનું આવેદન કમિશનરને પાઠવાયું હતું.
આ મુદ્દે અનેક વખતની રજુઆત છતાં દાદ આપવામાં નહીં આવતા આજે મહાનગર પાલિકાની મળી રહેલી સ્ટેન્ડીંગ કમિટીની બેઠક વેળાએ વોર્ડ નં. ૬ના બસપાના કોર્પોરેટર રાહુલ બોરીયાની આગેવાનીમાં સ્થાનિક રહેવાસીઓએ હોબાળો મચાવ્યો હતો.
સર્વ પ્રથમ સ્ટેન્ડીંગ કમિટીની બેઠકમાં ભાગે લેવા જતા મ્યુનિ. કમિશનરને ઘેરાવ કરવામાં આવ્યો હતો. જ્યાં અરજદાર કોર્પોરેટરને સાંભળ્યા પછી યોગ્ય કરવાની કમિશનરે ખાતરી આપી હતી. આ પછી સ્ટેન્ડીંગ કમિટી હોલની બહાર જ્યારે હોબાળો મચાવી બંધ બારણા ખખડાવવામાં આવ્યા હતાં. આથી તાકિદે પોલીસને બોલાવાઈ હતી. જ્યાં તમામની સમજાવટ પછી અરજદારોનું અને રજુઆત કર્તાઓનું ટોળું ત્યાંથી દૂર થયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
