કલ્યાણપુરના ગોજીનેસ પાસે હિટ એન્ડ રનના બનાવમાં ચાચલાણાના પ્રૌઢનું મૃત્યુ

Author: નોબત સમાચાર

કલ્યાણપુરના ગોજીનેસ પાસે હિટ એન્ડ રનના બનાવમાં ચાચલાણાના પ્રૌઢનું મૃત્યુ

સિક્કામાં બાઈકે સર્જયો અકસ્માતઃ

જામનગર તા.૧૫ ઃ કલ્યાણપુર તાલુકાના ગોજીનેસ ગામ પાસે ગુરૃવારે રાત્રે ચાલ્યા જતાં ચાચલાણા ગામના એક પ્રૌઢને અજાણ્યું વાહન ઠોકર મારી નાસી ગયું હતું. ગંભીર ઈજા પામેલા પ્રૌઢનું મૃત્યુ નિપજ્યું છે. પોલીસે અકસ્માત સર્જનાર વાહનની શોધ આરંભી છે. જ્યારે સિક્કામાં એક વૃદ્ધને બાઈકે ઠોકરે ચડાવ્યા છે.

દેવભૂમિ દ્વારકા જિલ્લાના કલ્યાણપુર તાલુકાના ચાચલાણા ગામના અરશીભાઈ કાગડીયા નામના કોળી પ્રૌઢ ગુરૃવારે સાંજે ચાલીને દ્વારકા જવા માટે રવાના થયા હતા.

આ યુવાન જ્યારે ગોજીનેસ ગામના પાટિયા પાસે પહોંચ્યા ત્યારે તેઓને દસેક વાગ્યાના સમયે કોઈ અજાણ્યા વાહનના ચાલકે ઠોકર મારી દીધી હતી. રોડ પર પછડાયેલા અરશીભાઈને કમર, પગ સહિત શરીરના અન્ય ભાગોમાં ગંભીર ઈજા થઈ હતી.

આ યુવાનનું મૃત્યુ નિપજ્યં છે. અકસ્માત સર્જી અજાણ્યું વાહન પલાયન થઈ ગયું છે. મૃતકના પુત્ર રમેશભાઈ કાગડીયાએ પોલીસમાં ફરિયાદ નોંધાવી છે. પોલીસે હિટ એન્ડ રનના આ બનાવની તપાસ શરૃ કરી છે.

જામનગરના સિક્કા ગામમાં રહેતા જુનસભાઈ ઈશાભાઈ પાલાણી ગઈ તા.૭ની સવારે ડીસીસી પાસેથી પસાર થતા હતા ત્યારે જીજે-૧૦-ડીડી ૩૦૭૭ નંબરના બાઈકના ચાલક સુલેમાન અબ્બાસ ગંઢારે તેઓને હડફેટે લેતાં જુનસભાઈને ઈજા થઈ હતી.

જો આપને આ પોસ્ટ ગમી હોય તો શેર કરો...