Author: નોબત સમાચાર
વિજયનગર તથા જાલીયા દેવાણીમાંથી ઝડપાઈ શરાબની નાની-મોટી ૪૪ બોટલ
નાગનાથ નાકા પાસે પકડાયા શરાબના સાત પાઉચઃ
જામનગર તા.૧૫ ઃ જામનગરના વિજયનગરમાં આવેલા એક મકાનમાંથી પોલીસે અંગ્રેજી શરાબની છવ્વીસ બોટલ પકડી પાડી છે. જ્યારે નાગનાથ નાકા પાસેથી એક શખ્સ સાત પાઉચ સાથે ઝડપાઈ ગયો છે. ધ્રોલના જાલીયા દેવાણી ગામમાં એક મકાનમાંથી શરાબની અઢાર નાની બોટલ પકડાઈ છે.
જામનગરના ગોકુલનગર નજીક આવેલા વિજયનગરમાં એક મકાનમાં અંગ્રેજી શરાબનો જથ્થો પડ્યો હોવાની બાતમી પરથી ગઈરાત્રે સિટી-સી ડિવિઝનના સ્ટાફે હમીર ભીખાભાઈ ચુડાસમા નામના શખ્સના મકાનમાં દરોડો પાડ્યો હતો. તે મકાનની તલાશી લેવાતા ત્યાંથી અંગ્રેજી શરાબની ૨૬ બોટલ મળી આવી હતી. પોલીસે રૃા.૧૩ હજારની બોટલ કબજે કરી હમીર ચુડાસમાની ધરપકડ કરી આ શખ્સે તે જથ્થો જુનાગઢના ભાયા ઉર્ફે પ્રવીણ પાસેથી મેળવ્યાની કબૂલાત કરી છે.
જામનગરના નાગનાથ નાકા પાસે આવેલા મહેશ્વરી નગરમાં રહેતો ગૌતમ દેવાભાઈ મકવાણા ઉર્ફે દીવલો નામનો શખ્સ ગઈકાલે સાંજે નાગનાથ નાકા પાસેથી જતો હતો ત્યારે તેને સિટી-બી ડિવિઝનના સર્વેલન્સ સ્ટાફે રોકાવી ચેક કરતા આ શખ્સના કબજામાંથી શરાબના સાત પાઉચ મળી આવ્યા હતા. પોલીસે ગૌતમની ધરપકડ કરી છે.
ધ્રોલ તાલુકાના જાલીયા દેવાણી ગામમાં આવેલા રામસિંહ બહાદુરસિંહ જાડેજા ઉર્ફે હકુભાના મકાનમાં ગઈકાલે રાત્રે પૂર્વ બાતમીના આધારે ધ્રોલ પોલીસે દરોડો પાડી તલાશી લીધી હતી. તે મકાનમાંથી અંગ્રેજી શરાબના અઢાર ચપટા મળી આવ્યા હતા. પોલીસે રામસિંહની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
