Author: નોબત સમાચાર
હાપા માર્કેટીંગ યાર્ડ પાસે ક્રિકેટ પ્રેમીઓએ તૈયાર કરેલ મેદાનને પણ હડપ કરી લેવાયું!
જામનગરના ક્રિકેટ ખેલાડીઓને અન્યાયઃ
જામનગર તા. ૧૨: જામનગરમાં ખાસ કરીને ટેનિ બોલથી ક્રિકેટની રમતનો આનંદ માણતા ખેલાડીઓ માટે ક્યાંય સાર્વજનિક મેદાન નથી. તેમાં હાપા માર્કેટીંગ યાર્ડ પાસે એક ઉબડખાબડ ખુલ્લા મેદાનને સમથળ કરી ત્યાં અસંખ્ય ક્રિકેટ ખેલાડીઓ ક્રિકેટ રમવાનો આનંદ માણતા હતાં તે મેદાન પણ તંત્ર દ્વારા હડપ કરી લેવાયું છે. જેથી ટેનિસ બોલથી ક્રિકેટ રમતા ખેલાડીઓ, મેદાન તૈયાર કરનાર મિત્ર મંડળ તેમજ ક્રિકેટ પ્રેમીઓમાં ઉગ્ર રોષની લાગણી ફેલાઈ છે.
જામનગર માર્કેટીંગ યાર્ડ હાપા પાસે આવેલ વર્ષો જુના જુગનુ ક્રિકેટ ગ્રાઉન્ડમાં આખુ વર્ષ મુસ્લિમ સમાજ તથા અન્ય સમાજ સૌ સાથે મળીને ક્રિકેટ રમે છે. 'એક બનો નેક બનો' ગ્રુપના સદ્દામ શેખ તથા કોર્પોરેટર અસલમભાઈ ખીલજીના મિત્રમંડળ દ્વારા આ મેદાનનું વર્ષોથી જતન કરવામાં આવી રહ્યું છે. ત્યાં કમનસીબે હાલ કોઈ રોડ કાઢવાનું કામ શરૃ થયેલ હોય, તમામ ધર્મના ક્રિકેટપ્રેમી યુવાનોની લાગણી ઘવાઈ રહી છે. એક તો જામનગરમાં ક્યાંય એવા અન્ય સાર્વજનિક મેદાનો નથી અને જ્યાં છે એને પણ આમ નષ્ટ કરવામાં આવે તે તંત્રનો ખૂબ જ ખોટો નિર્ણય હોવાની નારાજગી ફેલાઈ છે.
જામનગર મહાનગર પાલિકા અને અન્ય સત્તાધારી તંત્ર, તાત્કાલિક આ મેદાનમાંથી રસ્તો કાઢવાનું બંધ કરે, અને મેદાનને ક્રિકેટ માટે સલામત રહેવા દ્યે એવી સૌ ક્રિકેટ રસિકોની માગણી છે.
આ ઉપરાંત જામનગરમાં એક પણ સાર્વજનિક ફૂટબોલ મેદાન પણ નથી, એના માટે આનંદભાઈ માડમના નેતૃત્વમાં જામનગર ડિસ્ટ્રીક્ટ ફૂટબોલ એસોસિએશન દ્વારા અનેક રજૂઆતો કરવામાં આવી છે જે અંગે ત્વરિત ધ્યાન આપવામાં આવે એવી માગણી કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
