Author: નોબત સમાચાર
ખંભાળિયામાં મકાનમાંથી એલસીબીએ પકડી પાડી દારૃની નાની મોટી ૨૭ બોટલ
ગાંધીનગરમાં મકાનમાંથી ઝડપાઈ ચાર બોટલઃ
જામનગર તા. ૧૨: જામનગરના ગાંધીનગર વિસ્તારમાં એક મકાનમાંથી પોલીસે દારૃની ચાર બોટલ પકડી લીધી છે. એક શખસ બોટલ સાથે ગાંધીનગરમાંથી ઝડપાયો છે. ઉપરાંત ખંભાળિયામાં એક મકાનમાંથી એલસીબીએ દારૃની નાની મોટી ૨૭ બોટલ કબજે કરી છે. ઝડપાયેલા આરોપીએ સાગરીતનું નામ આપ્યું છે.
જામનગરના ગાંધીનગર વિસ્તારમાં એક શખ્સના મકાનમાં દારૃની બોટલ પડી હોવાની બાતમી પરથી ગઈકાલે સિટી બી ડિવિઝનના સ્ટાફે દરોડો પાડ્યો હતો. ત્યાં આવેલા કરણસિંહ લાલુભા ઉર્ફે કાનો ગોહિલ નામના શખ્સના મકાનમાં તલાશી લેવાતા ત્યાંથી દારૃની ચાર બોટલ મળી આવી હતી. પોલીસે બોટલ કબજે કરી કરણસિંહની ધરપકડ કરી છે.
જામનગરના ગાંધીનગર રોડ પરથી ગઈકાલે સાંજે સુલેમાન ગની ચંગડા નામનો શખ્સ દારૃની એક બોટલ સાથે ઝડપાઈ ગયો હતો.
ખંભાળિયા શહેરમાં જોધપુર નાકા પાસે સાગર સુરેશભાઈ નકુમ નામના શખ્સના મકાનમાં ગઈકાલે દ્વારકા એલસીબીના સ્ટાફે પૂર્વ બાતમીના આધારે દરોડો પાડી તલાશી લેતા ત્યાંથી ભારતીય બનાવટના અંગ્રેજી શરાબની ૧૫ મોટી બોટલ તથા ૧૨ નાની બોટલ મળી આવી હતી. આ જથ્થા સાથે સાગર નકુમની અટકાયત કરાઈ છે. તેણે પોતાના સાગરિત જામનગરના અજય ગોસ્વામીનું નામ આપ્યું છે. એલસીબીએ દારૃનો જથ્થો તથા એક મોબાઈલ કબજે લઈ બંને સામે ખંભાળિયા પોલીસ સ્ટેશનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
