Author: નોબત સમાચાર
દુષ્કર્મના આરોપીનું હથિયારનું લાયસન્સ રદ્દ કરવા ફરિયાદી મહિલાએ કરી રજૂઆત
લાયસન્સ ન હોય તો આર્મ્સ એક્ટ હેઠળ કાર્યવાહીની માંગઃ
જામનગર તા. ૨૦: જામનગરના એક મહિલાએ નગરના જાણીતા ઉદ્યોગપતિ અને ભાજપના કિસાન મોરચાના ઉપપ્રમુખ એવા આસામી સામે પોણા બે વર્ષ સુધી દુષ્કર્મ ગુજાર્યાની પોલીસમાં કરેલી ફરિયાદ દરમિયાન આ આરોપીનું હથિયારનું લાયસન્સ જો હોય તો રદ્દ કરવા અને ન હોય તો આર્મ્સ એક્ટ હેઠળ ગુન્હો નોંધી તેની ધરપકડ કરવા એસપી તથા કલેક્ટર સમક્ષ લેખિતમાં રજૂઆત કરી છે.
જામનગરમાં રહેતા અને ભારતીય જનતા પાર્ટીના કિસાન મોરચામાં ઉપપ્રમુખ તરીકે સેવા આપતા વિશાલ મહેન્દ્રભાઈ મોદી નામના આસામીએ એક મહિલાને પોણા બે વર્ષ પહેલાં પોતાની એક પ્રોપર્ટી પર લોન લેવાની છે તેમ કહ્યા પછી તે પ્રોપર્ટી બતાવવાના બહાને જામનગર-ખંભાળિયા ધોરીમાર્ગ પર લાખાબાવળ પાસે આર્ય ભગવતી વિક એન્ડ વીલામાં લઈ જઈ કેફી પ્રવાહી પીવડાવી દુષ્કર્મ ગુજાર્યાની પોલીસમાં ફરિયાદ કરાઈ હતી.
ફરિયાદી મહિલાએ જણાવ્યા મુજબ તેણી સાથેના અંગત પળના ફોટા તથા વીડિયો બનાવી તેને વાયરલ કરવાની ધમકી આપી વિશાલ મોદી અવારનવાર દુષ્કર્મ ગુજારતો હતો. પોલીસે ગુન્હો નોંધી આરોપીની શોધ શરૂ કરી હતી. તે દરમિયાન આરોપીએ આગોતરા જામીન મેળવવા કરેલી અરજી અદાલતે નકારી કાઢી હતી.
ત્યારપછી હજુ સુધી આરોપી ઝડપાયો નથી ત્યારે આ બનાવની ફરિયાદી મહિલાએ જિલ્લા કલેકટર તથા જિલ્લા પોલીસવડા સમક્ષ અરજી પાઠવી છે અને જણાવ્યંુ છે કે, આરોપી પાસે અગ્નિશસ્ત્ર (ગન) છે અને અગાઉ આ આરોપી કમર પર તે હથિયાર લગકાવીને ફરતો હતો. તેથી આ શખ્સ ફરિયાદીની હત્યા કરી નાખવાની ધમકી પણ આપી ચૂક્યો છે ત્યારે ફરિયાદી તથા તેના પરિવારની જીવની સલામતી નથી તેથી જો આરોપી પાસે આ હથિયારનું લાયસન્સ હોય તો તેને તાત્કાલિક અસરથી રદ્દ કરી નાખવા અને લાયસન્સ ન હોય તો તેની સામે આર્મ્સ એક્ટ હેઠળ ગુન્હો નોંધવા માગણી કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
