Advertisement
Author: નોબત સમાચાર

જામનગરમાં ૩૩ મા માર્ગ સલામતી સપ્તાહની ઉજવણીઃ ૧૭ જાન્યુઆરી સુધી વિવિધ કાર્યક્રમો

વાહનોમાં રેડિયમ પટ્ટી સહિત રિફ્લેક્ટરો લગાવાઈ રહ્યા છે

જામનગર તા. ૧રઃ જામનગરમાં ટ્રાફિક શાખા આરટીઓ અને નેશનલ હાઈ-વે ઓથોરિટી દ્વારા ૩૩ મા માર્ગ સલામતી સપ્તાહનો પ્રારંભ થયો છે. આ ઉજવણી તા. ૧૭ જાન્યુઆરી સુધી ચાલશે. ઉજવણીના પ્રારંભે જામનગર-ખંભાળિયા ધોરીમાર્ગ પર વાહનચાલકોને ટ્રાફિક નિયમોનું પાલન કરવા માટે સમજ અપાઈ હતી અને વાહનોમાં રિફેક્ટર લગાવાયા હતાં.

જામનગરમાં ટ્રાફિક શાખા દ્વારા ૩૩ મા માર્ગ સલામતી સપ્તાહની ઉજવણી કરવામાં આવી રહી છે. જેના પ્રારંભે આજે ટ્રાફિક શાખાની સાથે આરટીઓ, એસ.ટી. વિભાગ, ફાયરબ્રિગેડ, ૧૦૮ ની ટીમ તેમજ નેશનલ હાઈ-વે ઓથોરિટીની ટીમ દ્વારા સંયુક્ત રીતે ટ્રાફિક નિયમોનં પાલન કરવા માટેની સમજ આપવામાં આવી હતી. સમગ્ર ગુજરાત રાજ્યમાં જાન્યુઆરી માસ દરમિયાન ટ્રાફિક સપ્તાહની ઉજવણી થાય છે. તેના ભાગરૃપે તારીખ ૧૧ જાન્યુઆરીથી ૧૭ જાન્યુઆરી સુધી ૩૩ મું ટ્રાફિક સપ્તાહ ઉજવવામં આવી રહ્યું છે. જેનો ગઈકાલે પ્રારંભ થયો હતો.

જામનગરના જિલ્લા પોલીસ વડા પ્રેમસુખ ડેલુના માર્ગદર્શન હેઠળ જામનગરની ટ્રફિક શાખાના પી.આઈ. અલ્પેશ ચૌધરી તથા અન્ય પોલીસ અધિકારીઓ ઉપરાંત ટ્રાફિક શાખાની ટીમ દ્વારા શહેરમાં માર્ગ સલામતી સપ્તાહ ઉજવવામાં આવી રહ્યું છે અને લોકોમાં ટ્રાફિક બાબતે અવેરનેશ આવે, તે માટેના જુદા જુદા કાર્યક્રમો હાથ ધરવામાં આવી રહ્યા છે. માર્ગ સલામતી સપ્તાહના પ્રારંભ ગઈકાલે બપોરે જામનગર-ખંભાળિયા ધોરીમાર્ગ પર બેડ ગામના પાટિયા પાસે જામનગરની ટ્રાફિક શાખા ઉપરાંત આરટીઓ કચેરી, એસટી વિભાગ, ફાયરબ્રિગેડની ટીમ, ૧૦૮ ની ટીમ તેમજ નેશનલ હાઈ-વે ઓથોરિટીની ટીમ દ્વારા ટ્રાફિક નિયમન બાબતે વાહનચાલકોને સમજ આપવા માટેની કાર્યવાહી હાથ ધરવામાં આવી હતી.

ઉપરોક્ત માર્ગ પરથી પસાર થતાં વાહનચાલકોને ટ્રાફિક નિયમન બાબતે કઈ કઈ કાળજી રાખવી તે બાબતે સમજ આપવામં આવી હતી. સાથોસાથ હાઈ-વે પરથી પસાર થનારા વાહનો કે જેમાં હેડલાઈટ પર રેડિયમની પટ્ટી સહિતના રિફ્લેક્ટરો લગાડવાની પણ પ્રક્રિયા હાથ ધરવામાં આવી હતી.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag



Advertisement

અન્ય સમાચારો

Advertisement
close
Ank Bandh