Author: નોબત સમાચાર
ભાટિયા નજીક લીંબડી પાસે અકસ્માતમાં એક યુવાનનો ભોગઃ ત્રણ યુવક ઘવાયા
અન્ય બે અકસ્માતમાં નવ વ્યક્તિને ઈજાઃ
જામનગર તા. ૧૬ઃ ખંભાળિયા-ભાટિયા ધોરીમાર્ગ પર લીંબડી ગામ પાસે ગઈરાત્રે ચાર સવારીમાં જતું એક બાઈક સામેથી આવતી ૧૦૮ સાથે ટકરાઈ પડ્યું હતું. આ અકસ્માતમાં એક યુવાનનું મૃત્યુ નિપજ્યું છે. અન્ય બે અકસ્માતમાં નવ વ્યક્તિ ઘવાયા છે.
ખંભાળિયાથી ભાટિયા વચ્ચે આવેલા લીંબડી ગામ પાસે ગઈકાલે રાત્રે નવેક વાગ્યે ચારસવારીમાં જતું એક બાઈક સામેથી દોડી આવતી ૧૦૮ એમ્બ્યુલન્સ સાથે ટકરાઈ પડ્યું હતું. આ એમ્બ્યુલન્સ ડીઝલ ભરાવવા માટે જતી હતી ત્યારે પુરપાટ ઝડપે ધસી આવેલા બાઈકે ધડાકાભેર અકસ્માત સર્જયો હતો.
આ અકસ્માતમાં બાઈક પર જઈ રહેલા ચારેય યુવાનો ગંભીર રીતે ઘવાયા છે. તેઓને ૧૦૮માં સારવાર માટે ખંભાળિયા દવાખાને અને ત્યાંથી વધુ સારવાર માટે જામનગરની જી.જી. હોસ્પિટલમાં ખસેડવાની તજવીજ કરવામાં આવી હતી. સારવાર દરમિયાન એક યુવાનનું મૃત્યુ નિપજ્યું છે. બાકીના ત્રણ યુવાનોને સારવાર આપવામાં આવી રહી છે.
ઉપરોક્ત અકસ્માત ઉપરાંત ખંભાળિયાના સામોર ગામના પાટિયા પાસે બોલેરો કેમ્પર ગઈરાત્રે કોઈ કારણથી તેના ચાલકના કાબુ બહાર ગયા પછી રોડ ડિવાઈડર સાથે ટકરાઈ પડી હતી. આ અકસ્માતમાં આઠ વ્યક્તિ ઘવાયા છે. તે ઉપરાંત ખંભાળિયા માર્કેટીંગ યાર્ડ પાસે એક મોટર ડાઈવર્ઝનના પથ્થર સાથે ટકરાઈ પડતા એક મહિલાને ઈજા થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
