Author: નોબત સમાચાર
સોયલ ટોલનાકા પાસે ટ્રક-એસટી બસ વચ્ચે અકસ્માતઃ કંડકટર-મુસાફરોને ઈજા
રોડ વચ્ચે અચાનક જ ટ્રક ઉભો રહી જતાં અકસ્માતઃ
જામનગર તા.૧૬: ધ્રોલ નજીકના સોયલ ટોલનાકા પાસે ગઈકાલે એક ટ્રકચાલકે પોતાનો ટ્રક સિગ્નલ આપ્યા વગર જ ઉભો રાખી દેતાં તેના ઠાઠામાં એસટી બસ ટકરાઈ પડી હતી. આ અકસ્માતમાં કંડકટર તેમજ કેટલાક મુસાફરો ઘવાયા છે.
જામનગર-રાજકોટ ધોરી માર્ગ પર આવેલા ધ્રોલ નજીકના સોયલ ટોલનાકા પાસે ગઈકાલે બપોરે ત્રણેક વાગ્યે જીજે-૧૮-ઝેડ ૯૨૬૦ નંબરની એસટી કોર્પોરેશનની બસ ચલાવીને જામજોધપુરના હમીરભાઈ રાણાભાઈ સંધીયા જતા હતા.
આ વેળાએ આગળ જતો જીજે-૧૮-ટીએક્સ ૩૭૨૫ નંબરનો ટ્રક અચાનક જ રોડ વચ્ચે તેના ચાલકે ઉભો રાખી દેતાં તેના ઠાઠામાં એસટી બસ ટકરાઈ પડી હતી. આ અકસ્માતમાં બસના કંડકટર તથા મુસાફરોને ઈજા થઈ છે. અકસ્માતની જાણ થતાં ૧૦૮ તથા પોલીસ ટૂકડી દોડી આવ્યા હતા. ફ્રેક્ચર સહિતની ઈજા પામેલા કેટલાક મુસાફરોને સારવારમાં ખસેડવામાં આવ્યા છે. બસચાલક હમીરભાઈએ ટ્રકચાલક સામે ધ્રોલ પોલીસ સ્ટેશનમાં ફરિયાદ નોંધાવી છે. ટ્રક મૂકીને નાસી ગયેલા તેના ચાલક સામે પોલીસે ગુન્હો નોંધી તેની શોધ આરંભી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
