Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
મોડપર, ધ્રોલમાંથી આઠ શખ્સ જુગાર રમતા ઝબ્બેઃ
જામનગર તા. ૧૬ઃ લાલપુરના મોડપરમાંથી ગઈકાલે ગંજીપાના વડે જુગાર રમતા પાંચ શખ્સને પોલીસે પકડી પાડ્યા છે. જ્યારે સિક્કા નજીકના નાની ખાવડી ગામમાં એક મકાનમાં રમાતા જુગાર પર એલસીબીએ દરોડો પાડી સાત પત્તાપ્રેમીની અટકાયત કરી હતી. ધ્રોલમાંથી ત્રણ શખ્સ ગંજીપાના કૂટતા ઝડપાયા હતા.
લાલ૫ુર તાલુકાના મોડપર ગામમાં ગઈકાલે બપોરે જાહેરમાં ગંજીપાના વડે જુગાર રમતા હાસમભાઈ અલીભાઈ સંઘાર, શબ્બીર હાસમભાઈ સંઘાર, આમદ અલીભાઈ સંઘાર, નિલેશ કાંતિભાઈ હાથલીયા, ધર્મેન્દ્ર કાંતિલાલ તુરી નામના પાંચ શખ્સને પોલીસે પકડી પાડ્યા હતા. પટમાંથી રૃા.૨૦,૯૫૦ રોકડા કબજે કરાયા હતા.
જામનગર-ખંભાળિયા ધોરીમાર્ગ પર આવેલા સિક્કા પાટિયા નજીકના નાની ખાવડી ગામની સીમમાં બપોરે એક મકાનમાં જુગાર રમાતો હોવાની બાતમી મળતા એલસીબીના પીઆઈ જે.વી. ચૌધરીની સૂચનાથી સ્ટાફે દરોડો પાડ્યો હતો. ત્યાં આવેલા ધનાભાઈ માલદેભાઈ સીંધીયા નામના શખ્સના મકાનમાં એલસીબીએ તલાશી લેતાં ધનાભાઈને નાલ આપી ગંજીપાના કૂટી રહેલા રણમલભાઈ દેવાભાઈ સીંધીયા, રમેશ એભાભાઈ માડમ, ધનાભાઈ કરશનભાઈ લુણા, ખીમાણંદભાઈ માલદેભાઈ સીંધીયા, સુરાભાઈ દેવસુરભાઈ સુરાણી, લાખાભાઈ વીરાભાઈ ઓડીચ નામના શખ્સ મળી આવ્યા હતા. પટમાંથી રૃા.૬૧૪૦૦ રોકડા, છ મોબાઈલ મળી એલસીબીએ રૃા.૭૩૪૦૦નો મુદ્દામાલ કબજે કર્યાે છે. સાતેય શખ્સ સામે સિક્કા પોલીસ સ્ટેશનમાં જુગારધારાની કલમ-૪, ૫ હેઠળ ગુન્હો નોંધાવવામાં આવ્યો છે.
ધ્રોલ નજીકના લતીપર ચોકડી પાસે દેવીપૂજકવાસમાં ગઈકાલે રાત્રે ગંજીપાના વડે જુગાર રમતા રાજેશ હર્ષદભાઈ નકુમ, હરજીભાઈ નાનજીભાઈ વાઘેલા, હરેશભાઈ નાનજીભાઈ વાઘેલા નામના ત્રણ શખ્સને પોલીસે પકડી લઈ પટમાંથી રૃા.૧૨૩૦ ઝબ્બે લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial