Advertisement
Author: નોબત સમાચાર

મિત્રના નામે ₹ ૪૮,૫૦૦ મેળવી ઠગાઈ કરનાર શખ્સ સામે ગામના આસામીની રાવ

ઓનલાઈન ટ્રાન્સફર મેળવ્યા પછી બતાવ્યો ઠેંગોઃ

જામનગર તા.૧૬: ખંભાળિયાના સોડસલા ગામના એક યુવાનને પાંચ મહિના પહેલા એક અજાણ્યા શખ્સે તેમના મિત્રની ઓળખ આપી ₹ ૪૮,૫૦૦ ઓનલાઈન ટ્રાન્સફર કરાવ્યા હતા. તે પછી પૈસા ન આપી ફોન પણ ઉપાડવાનું બંધ કરતા છેતરાયેલા આસામીએ પોલીસમાં ફરિયાદ નોંધાવી છે.

ખંભાળિયા તાલુકાના સોડસલા ગામમાં રહેતા અને ફાયનાન્સ કંપનીમાં નોકરી કરતા સુખદેવસિંહ ચંદુભા વાઢેર નામના યુવાનને ગઈ તા.૯ માર્ચના દિને રહીમ નામના શખ્સે મોબાઈલ પર કોલ કર્યાે હતો.

આ શખ્સે પોતાની ઓળખ સુખદેવસિંહના મિત્ર સીદીકભાઈનો મિત્ર હોવાની આપી હતી અને સીદીકભાઈ તથા પોતે હાલમાં મુંબઈ હોવાનું અને તેઓને મુંબઈમાં પૈસા ખલાસ થઈ જતાં પૈસાની જરૂર હોવાનું કહ્યું હતું. તેની વાતોમાં આવી ગયેલા સુખદેવસિંહે વોટ્સએપમાં ઓનલાઈન પૈસા ટ્રાન્સફર કરવા માટે સ્કેનર મગાવ્યા પછી ₹ ૪૮૫૦૦ ટ્રાન્સફર કર્યા હતા. તે રકમ સોડસલા આવી આપી જવાનું કહેવાયું હતું.

તે પછી રહીમે પૈસા આપ્યા ન હતા અને ફોન ઉપાડવાનું બંધ કર્યું હતું. તેથી પોતે છેતરાઈ ગયાનું જણાઈ આવતા સુખદેવસિંહે સલાયા મરીન પોલીસ સ્ટેશનમાં ફરિયાદ નોંધાવી છે. સાયબર ક્રાઈમ સેલના પીએસઆઈ એ.વાય. બ્લોચે તપાસ હાથ ધરી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh