Author: નોબત સમાચાર
ખંભાળિયામાં નીકળી તિરંગા યાત્રાઃ નગરમાં છવાયો દેશભક્તિનો માહોલ
ઉચ્ચ અધિકારીઓ, સુરક્ષાકર્મીઓ, છાત્રો, નગરજનો યાત્રામાં જોડાયાઃ
જામનગર તા. ૧૬ઃ આઝાદી કા અમૃત મહોત્સવ અભિયાન અંતર્ગત હર ઘર તિરંગા કાર્યક્રમ યોજાઈ રહ્યો છે. તે અંતર્ગત ખંભાળિયામાં હર ઘર તિરંગા યાત્રા યોજાઈ હતી. જેમાં પોલીસ, વિવિધ વિભાગના અધિકારીઓ, કર્મચારીઓ, છાત્રો, શહેરીજનો બહોળી સંખ્યામાં જોડાયા હતાં.
આ યાત્રાનો પ્રાંત અધિકારીની કચેરીથી જિલ્લા કલેક્ટર અશોક શર્મા, નગરપાલિકા પ્રમુખ ભાવનાબેન પરમાર, જિલ્લા વિકાસ અધિકારી એસ.ડી. ધાનાણી, જિલ્લા ભાજપ પ્રમુખ મયુરભાઈ ગઢવી સહિતનાએ પ્રારંભ કરાવ્યો હતો. આ યાત્રા જી.વી.જી. સ્કૂલ રોડ-નગરનાકા, બેઠક રોડથી પ્રાંત અધિકારીની કચેરી, ખંભાળિયા સુધી યોજાઈ હતી. હાથમાં તિરંગા સાથે વંદે માતરમ્, ભારત માતાકી જયના જય ઘોષથી સમગ્ર વાતાવરણને દેશભક્તિના રંગથી રંગાઈ ગયું હતું. યાત્રાનું પુષ્પવર્ષાથી સ્વાગત કરવામાં આવ્યું હતું. મારી માટી મારો દેશ, હર ઘર તિરંગા અભિયાનનો સંદેશ આપી લોકો જાગૃતિનો સુંદર પ્રયાસ આ યાત્રા દ્વારા કરવામાં આવ્યો હતો. યાત્રાના પ્રારંભે બેન્ડ. મહાનુભાવો, પોલીસ, છાત્રો, શહેરીજનો ક્રમ અનુસાર સામેલ થયા હતાં.
યાત્રા પૂર્ણ થયા પછી ઉપસ્થિત સર્વેએ વિકસિત રાષ્ટ્ર માટે પુરુષાર્થ કરવા, ભવ્ય વારસાનું ગૌરવ અને જતન કરવા, રાષ્ટ્રની એક્તા અને અખંડિતતા માટે કાર્ય કરવા, રાષ્ટ્ર પ્રત્યેની ફરજો પાળવા પ્રતિજ્ઞા લીધી હતી. આ તકે સાંસ્કૃતિક કાર્યક્રમ યોજાયો હતો. જિલ્લા કલેક્ટર અશોક શર્માએ ઉપસ્થિત સર્વેનો આભાર વ્યક્ત કરતા જણાવ્યું હતું કે, હર ઘર તિરંગા અભિયાન અંતર્ગત તિરંગા યાત્રાનું આયોજન કરવામાં આવ્યું હતું. તિરંગાની રક્ષા કરવી એ આપણા સૌની જવાબદારી છે. આજે આ તિરંગા યાત્રામાં જોડાઈ આપ સર્વેએ દેશ પ્રત્યેનો પ્રેમ વ્યકત કર્યો છે.
આ યાત્રામાં પ્રાંત અધિકારી પાર્થ કોટડિયા, નાયબ પોલીસ અધિક્ષક હાર્દિક પ્રજાપતિ, મામલતદાર વિક્રમ વરૃ, નગરપાલિકા પ્રમુખ ભરત વ્યાસ, સંગઠન અગ્રણીઓ ભરતભાઈ ચાવડા, વનરાજસિંહ વાઢેર, કિશોરસિંહ જાડેજા, નિમિષાબેન, ગીતાબા, કશ્યપભાઈ ડેર, કાનાભાઈ કરમુર, છાત્રો તેમજ શહેરીજનો સહિતના જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
