Author: નોબત સમાચાર
ખંભાળિયામાં વ્હાલી દીકરી યોજનાના ૮૦ જેટલા લાભાર્થીઓને મંજુરી પત્ર વિતરણ કરાયા
મહિલા કલ્યાણ દિવસની ઉજવણી અન્વયે
ખંભાળિયા તા. ૧૬ઃ મહિલા અને બાળ વિકાસ વિભાગ દ્વારા રાજ્યની મહિલાઓ સામાજિક, આર્થિક, માનસિક અને શારીરિક રીતે સંપન્ન તથા સમાજમાં ગૌરવ આગળ વધે તે માટે રાજ્ય સરકાર દ્વારા વિવિધ આયોજન હાથ ધરવામાં આવે છે. સર્વાંગી વિકાસના મહત્ત્વના પરિબળો જેવા કે સુરક્ષા, સ્વાવલંબન, નેતૃત્વ, કલ્યાણ કે અને સ્વાસ્થ્ય સહિતના ક્ષેત્રોમાં મહિલાઓ સક્ષમ થાય તે હેતુથી 'નારી વંદન સપ્તાહ'ની ઉજવણી કરવામાં આવી હતી. જે અંતર્ગત તા. ૬-૮-ર૦ર૩ ના 'મહિલા કલ્યાણ દિવસ'ની ઉજવણી ભાગરૃપે યોગ કેન્દ્ર, નગરપાલિકા, ખંભાળિયામાં કરવામાં આવ્યું હતું.
કાર્યક્રમની શરૃઆતમાં મહિલાના જીવન ચક્રને અનુલક્ષીને મહિલાલક્ષી યોજનાઓની માહિતીની થીમ પર નાટક પ્રસ્તુત કરવામાં આવ્યું હતું. આ તકે અગ્રણી નિમિષાબેન નકુમ દ્વારા સરકારના વિવિધ વિભાગો દ્વારા કન્યા શિક્ષણને પ્રોત્સાહિત કરતી યોજનાઓ વિશે તથા શ્રમ અને રોજગાર વિભાગના કૌશલ્ય વર્ધન કેન્દ્રો અંગે વિસ્તૃત માહિતી પૂરી પાડવામાં આવી હતી.
મહિલા અને બાળ વિભાગ દ્વારા કાર્યરત 'વ્હાલી દીકરી યોજના' અંતર્ગત ૮૦ લાભાર્થી દીકરીઓને મંજુરી હુકમનું મહાનુભાવોના વરદ્ હસ્તે વિતરણ કરવામાં આવ્યું હતું. 'દીકરીઓને મદદ નહિં તકની જરૃર છે, તક જ બનાવશે તેમને મહાન' આવા સુવિચાર સાથે મહિલા કલ્યાણ દિવસની ઉમંગભેર ઉજવણી કરવામાં આવી હતી.
આ તકે કાર્યક્રમમાં જિલ્લા દહેજ પ્રતિબંધક અધિકારી સહ રક્ષણ અધિકારી પી.પી. જાદવ, અગ્રણી રેખાબેન ખેતિયા સહિત સંલગ્ન વિભાગનો સ્ટાફ ઉપસ્થિત રહ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
