Author: નોબત સમાચાર
ધ્રોલ માર્કેટીંગ યાર્ડમાં કૃષિમંત્રીના હસ્તે ખાતેદાર ખેડૂતોના વારસદારોને રૃા.૧૧ લાખના ચેક અર્પણ
કોઈ ખેડૂતનું અકસ્માતે અવસાન થાય તો સરકાર પરિવારની પડખેઃ રાઘવજી પટેલ
જામનગર તા.૧૬ ઃ કૃષિમંત્રી રાઘવજીભાઈ પટેલના હસ્તે ધ્રોલ માર્કેટ યાર્ડમાં ખાતેદાર ખેડૂતોના વારસદારોને રૃા.૧૧ લાખના સહાય ચેક અર્પણ કરાયા હતા. આ તકે તેમણે કહ્યું કે, પ્રધાનમંત્રી નરેન્દ્રભાઈ મોદીના માર્ગદર્શન હેઠળ રાજ્ય સરકાર ખેડૂતોને સત સાથ-સહકાર મળી રહે તે માટે કટિબદ્ધ છે. કોઈ ખેડૂતનું અકસ્માતે અવસાન થાય તો તેના પરિવારની પડખે સરકાર ઉભી છે.
રાજ્યના કૃષિમંત્રી રાઘવજીભાઈ પટેલના અધ્યક્ષસ્થાને ધ્રોલ ખેતીવાડી ઉત્પન્ન બજાર સમિતિના સભાખંડમાં સહાય ચેક વિતરણ કરાયો હતો. કેબિનેટ મંત્રીના હસ્તે ખાતેદાર ખેડૂતોના વારસોને રૃા.૧૧ લાખના સહાયના ચેક અપાયા હતા. રાજ્ય સરકાર અને ધી જામનગર ડીસ્ટ્રીક્ટ કો. ઓપ. બેંકના સહયોગથી અકસ્માતમાં અવસાન પામેલા ખાતેદાર ખેડૂતોના પરિવારોને દુખની ઘડીમાં મદદરૃપ બની શકાય તે હેતુથી ખાતેદાર ખેડૂત અકસ્માત વીમા યોજના હેઠળ આર્થિક સહાય આપવામાં આવે છે.
કાર્યક્રમમાં મંત્રીએ જણાવ્યું કે, પ્રધાનમંત્રી નરેન્દ્રભાઈ મોદીના માર્ગદર્શન હેઠળ સહકારીતા વિભાગ દ્વારા ખાતેદાર ખેડૂત અકસ્માત વીમા યોજના લાગુ પાડવામાં આવી છે. કોઈ ખેડૂતનું અકસ્મતમાં અવસાન થાય ત્યારે તેમના પરિવારજનો પર આવી પડેલી વિપદાની ઘડીમાં સરકાર તેમની સાથે છે. પ્રધાનમંત્રીના માર્ગદર્શન હેઠળ ખેડૂતોની તમામ સમસ્યા ઉકેલવા માટે અને તેમને સતત સાથ-સહકાર મળી રહે તે માટે સતત કટિબદ્ધ છે.
કાર્યક્રમમાં કૃષિમંત્રીના હસ્તે ધ્રોલ તાલુકાના લૈયારા ગામના ખેડૂત રસીકબા નિરૃભા જાડેજાના વારસદારોને રૃા.૧ લાખનો ચેક અપાયો હતો. ખાખરા ગામના ખેડૂત અનિરૃદ્ધસિંહ જાડેજા તેમજ વાંકિયા ગામના ખેડૂત નરસિંહ ભીમાણીના વારસદારોને ક્રમશઃ રૃા.૫-૫ લાખનો ચેક અપાયો હતો.
ઉક્ત સમારોહમાં તાલુકા પંચાયત પ્રમુખ પોલુભા જાડેજા, ધ્રોલ માર્કેટ યાર્ડના પ્રમુખ દેવકરણભાઈ ભાલોડીયા, ધ્રોલ યાર્ડના ઉપપ્રમુખ મહાવીરસિંહ જાડેજા, ધ્રોલ તાલુકાની સહકારી મંડળીના સદસ્ય, ધી જામનગર ડીસ્ટ્રી. બેંકના સદસ્યો તેમજ આજુબાજુના ગામના ખાતેદાર ખેડૂતો અને ગ્રામજનો બહોળી સંખ્યામાં ઉપસ્થિત રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
