Author: નોબત સમાચાર
સિક્કામાં સ્પર્ધાઓ અને સાંસ્કૃતિક કાર્યક્રમોમાં ઝળકી રાષ્ટ્રભાવનાઃ ભવ્ય કળશ યાત્રા નીકળી
મારી માટી - મારો દેશ અભિયાન
જામનગર તા. ૧૬ઃ સિક્કામાં હર્ષોલ્લાસથી મારી માટી મારો દેશ કાર્યક્રમની ઉજવણી કરાઈ હતી. જેમાં વિદ્યાર્થીઓ દ્વારા રાષ્ટ્રભાવનાની ઝાંખી કરાવતા સાંસ્કૃતિક કાર્યક્રમો, વકતૃત્વ સ્પર્ધા તેમજ નિબંધ સ્પર્ધા યોજાઈ હતી. આ ઉજવણી દરમિયાન કુમારિકાઓ દ્વારા યોજાયેલ કળશ યાત્રામાં સૌ નગરજનોએ ઉમંગભેર સહભાગી થઈ કાર્યક્રમની ઉજવણી કરી હતી.
સિક્કા નગરપાલિકા વિસ્તારમાં મારી માટી મારો દેશ કાર્યક્રમની હર્ષોલ્લાસથી ઉજવણી કરવામાં આવી હતી. સિક્કાના સૌ નગરજનોએ કાર્યક્રમમાં સહભાગી થઈ દેશના વીરો પ્રત્યે પોતાની કૃતજ્ઞતા વ્યકત કરી હતી. વિવિધ તબક્કામાં યોજાયેલા આ કાર્યક્રમમાં સિક્કા નગરપાલિકા કચેરી સામે આવેલ સિક્કા તળાવ પાસે શિલાફલકમ માટે તકતી સ્થાપિત કરવામાં આવી હતી જેનું રંગોળી, દીપ અને ફૂલોથી સુશોભન કરવામાં આવેલ. આમંત્રિત મહેમાનો દ્વારા દીપ પ્રાગટ્ય અને માટીના કળશની પૂજા કરવામાં આવી હતી અને પાંચ પ્રણ પ્રતિજ્ઞા લેવામાં આવી હતી.
સિક્કામાં વસવાટ કરતા સશસ્ત્ર સીમા બલના નિવૃત જવાન અતુલકુમાર મુળજીભાઈ રૃપાપરાને મહાનુભાવો દ્વારા સાલ ઓઢાડી સન્માનીત કરવામાં આવ્યા હતાં અને સિક્કા નગરપાલિકા સંચાલિત સિક્કા માધ્યમિક શાળામાં આમંત્રિત મહેમાન દ્વારા વૃક્ષારોપણ કરવામાં આવ્યું હતું.
સિક્કા માધ્યમિક શાળામાં આમંત્રિત મહેમાનો સમક્ષ શાળાના વિદ્યાર્થીઓ દ્વારા સાંસ્કૃતિક કાર્યક્રમના ભાગરૃપે વકતૃત્વ સ્પર્ધા તથા નિબંધલેખનનું આયોજન કરવામાં આવ્યું હતું તેમજ નગરપાલિકાના પ્રમુખ આમંત્રિત મહેમાનો, ઉપસ્થિત અધિકારીઓ, પદાધિકારીઓ, કર્મચારીગણ, વિદ્યાર્થીઓ, પોલીસના જવાનો, એનસીસી કેડેટ્સ તેમજ સિક્કા નગરજનો દ્વારા ધ્વજવંદન અને રાષ્ટ્રગાન કરી ભાવવંદના કરવામાં આવી હતી.
સિક્કા માધ્યમિક શાળા કુમારિકાઓ દ્વારા માથા પર કળશ ધારણ કરીને નીકળેલી કશળ યાત્રા સર્વિસ ચોકથી પરત સિક્કા નગરપાલિકા કચેરી સુધી એ સંપન્ન થઈ હતી. નગરજનોએ હર્ષોલ્લાસથી ભાગ લઈ કાર્યક્રમની ઉજવણી કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
