Author: નોબત સમાચાર
જમ્મુ-કાશ્મીરના કિશ્તવાડમાં સેનાએ ત્રણ આતંકીઓને ફૂંકી માર્યાઃ જોઈન્ટ ઓપરેશન
૫ાંચ પાંચ લાખના ઈનામી આતંકીઓનો અથડામણ દરમિયાન ખાત્મોઃ મોટી સફળતા
શ્રીનગર તા. ૧૨ઃ જમ્મુ-કાશ્મીરના કિશ્તવાડમાં સૈન્યની મોટી કાર્યવાહીમાં ૫-૫ લાખના ઈનામી ત્રણ આતંકીઓનું એન્કાઉન્ટર કરાયું છે.
જમ્મુ-કાશ્મીરના કિશ્તવાડ જિલ્લામાં સુરક્ષા દળોએ આતંકવાદીઓ સામે મોટી કાર્યવાહી કરી. ૯ એપ્રિલથી શરૃ થયેલા આ સંયુક્ત ઓપરેશનમાં ૩ આતંકવાદીઓ માર્યા ગયા છે. જેમાં શુક્રવારે મોડી રાત્રે ૨ આતંકવાદીઓને અને આજે સવારે ૧ આતંકવાદીને મારી નાખવામાં આવ્યો હતો.
મીડિયા રિપોર્ટ્સ અનુસાર, માર્યા ગયેલા આતંકવાદીઓમાં જૈશનો એક ટોચનો કમાન્ડર પણ સામેલ છે. આ ત્રણેય પર ૫ લાખ રૃપિયાનું ઈનામ હતું. જમ્મુ અને કાશ્મીરના કિશ્તવાડ જિલ્લાના ચતરુ જંગલ વિસ્તારમાં આ કાર્યવાહી ચાલી રહી છે. સેના અને અન્ય સુરક્ષા દળોએ સંયુક્ત રીતે આ કાર્યવાહી કરી હતી.
આ ઓપરેશનમાં સેનાના ૨,૫ અને ૯ પેરા કમાન્ડો, સીઆરપીએફ અને જમ્મુ અને કાશ્મીર પોલીસ સામેલ હતી. ગાઢ જંગલોનો લાભ લઈને, આતંકવાદીઓ ઘણીવાર ઘૂસણખોરી અને હુમલો કરવાનો પ્રયાસ કરે છે. તેથી આ ઝુંબેશ ફક્ત ગાઢ જંગલોમાં જ હાથ ધરવામાં આવી હતી.
આતંકવાદીઓને શોધવા માટે સેનાએ હેલિકોપ્ટર અને ડ્રોન પણ તૈનાત કર્યા હતા. એન્કાઉન્ટર સ્થળોએથી મોટી માત્રામાં હથિયારો અને દારૃગોળો પણ મળી આવ્યો છે. પોલીસ અને સુરક્ષા દળો છેલ્લા ૧૯ દિવસથી આ પર્વતીય વિસ્તારોમાં આતંકવાદીઓની ગતિવિધિઓ પર નજર રાખી રહૃાા છે. આ દિવસોમાં ૫ એન્કાઉન્ટર થયા છે, જેમાંથી ૩ કઠુઆમાં, ૧ ઉધમપુરમાં અને ૧ કિશ્તવાડ જિલ્લામાં થયા છે. ૨૭ માર્ચે થયેલા એન્કાઉન્ટરમાં ૨ આતંકવાદીઓ માર્યા ગયા હતા જ્યારે ૪ પોલીસકર્મીઓએ જીવ ગુમાવ્યો હતો.
આ એન્કાઉન્ટરમાં નાયબ પોલીસ અધિક્ષક સહિત ત્રણ પોલીસકર્મીઓ ઘાયલ થયા હતા. અધિકારીઓએ જણાવ્યું હતું કે જમ્મુ-શ્રીનગર રાષ્ટ્રીય ધોરીમાર્ગ પર સુરક્ષા કડક કરવામાં આવી છે અને વાહનોની તપાસ કરવામાં આવી રહી છે.
ઉત્તરી કમાન્ડના કમાન્ડર લેફ્ટનન્ટ જનરલ એમવી સુચિન્દ્ર કુમારે દેશને આતંકથી મુક્ત રાખવા માટે સેનાની પ્રતિબદ્ધતાની પ્રશંસા કરી છે. ઉત્તરી સેનાએ સોશિયલ મીડિયા પર પોસ્ટ કર્યું કે જનરલ એમવી સુચિન્દ્ર કુમારે કિશ્તવાડમાં આતંકવાદીને મારવા બદલ વ્હાઇટ નાઈટ કોર્પ્સની કાર્યવાહીની પ્રશંસા કરી છે. લેફ્ટનન્ટ જનરલે કહૃાું કે ભારતીય સેના જમ્મુ અને કાશ્મીરને આતંકવાદ મુક્ત રાખવા માટે પ્રતિબદ્ધ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
