Author: નોબત સમાચાર
મિગ કોલોની રોડ પરથી ઈંગ્લીશ દારૃની ૩૦ બોટલ સાથે શખ્સને પકડી પડાયો
દરેડ રોડ પરથી ૩૦ બોટલ સાથે અન્ય એકની ધરપકડઃ
જામનગર તા.૧૨ ઃ જામનગરના નવા એસટી બસ સ્ટેન્ડ રોડ પરથી ગઈકાલે એલસીબીએ એક શખ્સને ઈંગ્લીશ દારૃની ૩૦ બોટલ સાથે પકડી પાડ્યો છે. જ્યારે દરેડ નજીક પુલ પાસેથી પણ એક પરપ્રાંતીય શખ્સ ૩૦ બોટલ શરાબ સાથે પોલીસની ગિરફતમાં આવ્યો છે.
જામનગરના સુમેર કલબ રોડ પર મિગ કોલોનીથી પ્રદર્શન મેદાન તરફ જતા રોડ પર એક શખ્સ ઈંગ્લીશ દારૃનો જથ્થો લઈને જતો હોવાની બાતમી એલસીબીના સુમિત શિયાર, કિશોરભાઈને મળતા ગઈકાલે રાત્રે એલસીબી સ્ટાફે પીઆઈ વી.એમ. લગારીયાના વડપણ હેઠળ વોચ રાખી હતી.
તે દરમિયાન રણજીત સાગર રોડ પર આવેલા જડેશ્વર પાર્કની શેરી નં.રમાં રહેતો સુમિત સુનિલભાઈ મંદીયાણી નામનો સિંધી શખ્સ પસાર થતાં તેને રોકાવી તલાશી લેવાઈ હતી. જેમાં ભારતીય બનાવટના અંગ્રેજી શરાબની ૩૦ બોટલ મળી આવી હતી. આ શખ્સનો મોબાઈલ તથા દારૃનો જથ્થો કબજે કરી પોલીસે તેની અટકાયત કરી છે. આ શખ્સે પોતાના સાગરિત બાઈની વાડી ચૂનાના ભઠ્ઠા પાસે રહેતા દીપક ભટ્ટી, દડીયાના ભાવેશ ભરતભાઈ સવાસરીયા તથા ઉદય ગંંઢા નામના ત્રણ શખ્સના નામ આપ્યા છે. ચારેય સામે સિટી એ ડિવિઝન પોલીસ સ્ટેશનમાં ગુન્હો રજીસ્ટર કરાવવામાં આવ્યો છે.
જામનગરના દરબારગઢ સર્કલ પાસેથી ગઈકાલે સાંજે પસાર થતાં ટ્રાવેલીંગનો ધંધો કરતા કેતન હરીશભાઈ બદિયાણી નામના શખ્સને રોકાવી પોલીસે ચેક કરતા તેની પાસેથી દારૃની બોટલ મળી આવી હતી.
જામનગર નજીકના દરેડ પાસે રંગમતી નદીના પુલ નજીક રોડ પરથી જતાં મૂળ મધ્યપ્રદેશ રાજ્યના મોહનપુરા ગામના ગજેન્દ્ર ગુલાબસિંગ ભીલાલે નામના શખ્સને રોકાવી પોલીસે તલાશી લેતા તેની પાસેથી ઈંગ્લીશ દારૃની ૩૦ બોટલ નીકળી પડી હતી. પંચકોશી બી ડિવિઝન પોલીસ સ્ટેશનમાં ગુન્હો નોંધવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
