Author: નોબત સમાચાર
એટીએમ કાર્ડ બદલાવી નાખી ખાતામાંથી રૃપિયા ૪૦ હજાર ઉપાડી લેવાતા ફરિયાદ
માતાની સારવાર કરાવવા આવેલા યુવાનને લાગ્યો ધૂમ્બોઃ
જામનગર તા.૧૨ ઃ જામનગરની ઓશવાળ હોસ્પિટલમાં ગયા મહિને બેડ ગામના એક યુવાન પોતાના માતાને સારવાર માટે લાવ્યા પછી નજીકમાં આવેલા એટીએમ સેન્ટરમાં પૈસા ઉપાડવા ગયા હતા ત્યારે તેઓએ માંગેલી મદદના પગલે અજાણ્યો શખ્સ એટીએમ કાર્ડ બદલાવીને રફૂચક્કર થઈ ગયો હતો. આ યુવાનના બેંક ખાતામાંથી રૃા.૪૦ હજાર ઉપડી ગયાની પોલીસમાં ફરિયાદ કરાઈ છે.
જામનગરના દિગ્વિજય પ્લોટ વિસ્તારમાં આવેલી ઓશવાળ હોસ્પિટલમાં બેડના દીપક તુલસીભાઈ સોનગરા નામના યુવાન પોતાની માતાની સારવાર માટે ગયા મહિનાની તા.૨૦ના દિને આવ્યા હતા. તે દરમિયાન પૈસાની જરૃરિયાત ઉભી થતાં તેઓ પોતાની સાથે રહેલુ એટીએમ કાર્ડ લઈને ઓશવાળ હોસ્પિટલ નજીક એસબીઆઈ ના એટીએમ સેન્ટરમાં પૈસા ઉપાડવા માટે ગયા હતા.
આ વેળાએ તેઓ કોઈ કારણથી પૈસા ઉપાડી શક્યા ન હતા. આ વેળાએ ચાલીસેક વર્ષના લાગતા એક અજાણ્યા શખ્સને તેઓએ મદદ કરવા વિનંતી કરી હતી અને આ શખ્સે દીપકભાઈનું એટીએમ કાર્ડ મેળવી પૈસા ઉપાડી આપ્યા હતા અને કાર્ડ બદલાવી નાખી બીજુ કાર્ડ આપી દીધુ હતું.
તે પછી સેન્ટરમાંથી બહાર નીકળેલા દીપકભાઈના બેંક એકાઉન્ટમાંથી રૃા.૪૦ હજાર ઉપડી ગયા હતા. આ બાબતની ગઈકાલે સિટી એ ડિવિઝન પોલીસ સ્ટેશનમાં ફરિયાદ નોંધાવાઈ છે. પોલીસે બનાવના દિવસના એટીએમ સેન્ટરના સીસીટીવી ફૂટેજ નીહાળી આ શખ્સના સગડ દબાવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
