Author: નોબત સમાચાર
પૌત્રીને શાળાએ મૂકી ઘેર જતાં દાદાને કાળનો ભેટોઃ સારવારમાં નિપજ્યું મૃત્યુ
બાઈકને ઈકો મોટરે ટક્કર મારતા સર્જાયો અકસ્માતઃ
જામનગર તા.૧૩ ઃ ધ્રોલના વાંકિયા ગામના એક વૃદ્ધ પોતાની પૌત્રીને શાળાએ મૂકી ઘેર પરત જતા હતા. ત્યારે ધ્રોલ પાસે તેમના બાઈકને એક ઈકો મોટરે ટક્કર મારતા સર્જાયેલા ગમખ્વાર અકસ્માતમાં ગંભીર ઈજા પામેલા દાદાનું સારવાર દરમિયાન રાજકોટ દવાખાને મૃત્યુ નિપજ્યું છે.
ધ્રોલ તાલુકાના વાંકિયા ગામના નરશીભાઈ ભીમાણી નામના પટેલ પ્રૌઢ ગઈ તા.૪ની સવારે પોતાની પૌત્રી મનસ્વી ભાવેશભાઈને ધ્રોલમાં બી.એમ. પટેલ શાળાએ મૂકવા માટે પોતાના નાના પુત્ર કમલેશ ભીમાણીનું મોટરસાયકલ લઈને નીકળ્યા હતા.
શાળાએ પહોંચ્યા પછી પૌત્રી અંદર ચાલી જતાં દાદા નરશીભાઈ મોટરસાયકલ પર ઘેર પરત જવા માટે નીકળ્યા હતા. તેઓ ધ્રોલ પાસે આવેલી આંબા ભગતની જગ્યા નજીક પહોંચ્યા ત્યારે જામનગર તરફથી દોડી આવતી જીજે-ર-બીડી ૩૨૯૨ નંબરની ઈકો મોટરે તેઓને ઓવરટેક કરવાની લ્હાયમાં છેક આગળ પહોંચી ટક્કર મારી દીધી હતી.
મોટરની ઠોકર લાગતા નરશીભાઈ રોડ પર પછડાયા હતા. માથામાં ગંભીર ઈજા તથા જમણા ખભ્ભામાં ફ્રેક્ચર થતાં તેઓને સારવાર માટે ધ્રોલ દવાખાને લઈ જવાયા પછી વધુ સારવાર માટે રાજકોટની ખાનગી હોસ્પિટલમાં ખસેડવામાં આવ્યા હતા. જ્યાં તેઓનું સાત તારીખે મૃત્યુ નિપજ્યું છે. પુત્ર ભાવેશભાઈ ભીમાણીએ ધ્રોલ પોલીસ સ્ટેશનમાં ૩૨૯૨ નંબરની ઈકો મોટરના ચાલક સામે ફરિયાદ કરી છે. ૫ોલીસે આઈપીસી ૩૦૪ (અ) તેમજ અન્ય કલમો અને એમ.વી. એક્ટની કલમો હેઠળ ગુન્હો નોંધી તેની ધરપકડ માટે ચક્રો ગતિમાન કર્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
