Author: નોબત સમાચાર
કેન્દ્ર સરકાર હવે કોરોનાની રસી ખરીદવા નવો ઓર્ડર આપશે નહીં તેવા સંકેતો
સિનિયર સિટીઝન અને ૬૦ વર્ષથી વધુની વયજુથ માટે રસીકરણ જરૃરીઃ
નવી દિલ્હી તા. ૧૩ઃ મીડિયા અહેવાલો મુજબ સરકાર હવે કોરોનાની રસી ખરીદવા માટે નવા ઓર્ડર આશે નહીં, તેવા સંકેતો મળી રહ્યા છે.
દરરોજ કોરોના વાયરસના કેસ ઝડપથી વધી રહ્યા છે. ૧ એપ્રિલે દેશમાં ૩૮ર૪ નવા કેસ નોંધાયા હતાં, જ્યારે ગઈકાલે છેલ્લા ર૪ કલાક દરમિયાન ૭૮૩૦ નવા કેસ નોંધાયા છે. આ ૧ર દિવસમાં એક્ટિવ કેસ પણ લગભગ ૧૮ હજારથી વધીને ૪૦ હજાર થઈ ગયા છે. જેના પગલે કેન્દ્ર સરકારે ગયા વર્ષે ૧૬ જાન્યુઆરીથી ચાલી રહેલા દેશવ્યાપી મફત કોવિડ રસીકરણ અભિયાનને રોકવાનો નિર્ણય લીધો છે.
મીડિયા રિપોર્ટસમાં સૂત્રોને ટાંકીને દાવો કરવામાં આવ્યો છે કે કેન્દ્ર સરકારે હવે ફાર્મા કંપનીઓ પાસેથી કોવિડ વેક્સિનના નવા કન્સાઈનમેન્ટ નહીં ખરીદવાનો નિર્ણય લીધો છે.
રિપોર્ટમાં કોરોના મહામારીને લઈને ૩ વર્ષના લાંબા અનુભવને ધ્યાનમાં રાખીને આ નિર્ણય લેવામાં આવ્યો છે. સરકાર સામાન્ય રીતે સ્વસ્થ રસીનો ત્રીજો અને ચોથો ડોઝ ન લેવાની સલાહ પણ આપવા જઈ રહી છે.
મીડિયા અહેવાલો મુજબ કોરોનાની નવી લહેર તેના નવા સબ-વેરિઅન્ટ એક્સબીબી.૧.૧૬ ને કારણે છે. અત્યાર સુધીની તપાસમાં આ તમામ પ્રકારો ખતરનાક હોવાનું સામે આવ્યું નથી. આનાથી પ્રભાવિત લોકોને કોરોના ચેપ હોવા છતાં હોસ્પિટલમાં દાખલ થવાની જરૃર નથી. સરકારનું કહેવું છે કે, આનાથી માત્ર તે જ લોકોને જોખમ હોઈ શકે છે જેઓ પહેલાથી જ બીમાર છે અથવા ૬૦ વર્ષથી વધુ ઉંમરના છે. આ કારણોસર સરકારે હવે રસીના વધુ ડોઝ ન આપવાનો નિર્ણય લીધો છે. આ કારણોસર રસી બનાવતી કંપનીઓને કોવિડ રસીના સપ્લાય માટે નવા ઓર્ડર ન આપવાનો નિર્ણય લેવામાં આવ્યો છે.
અહેવાલો મુજબ કેટલાક રાજ્યોએ હજુ પણ રસીકરણ અભિયાન ચાલુ રાખવાની વાત કરી છે. હાલમાં દેશમાં કોરોનાના સૌથી વધુ કેસ મહારાષ્ટ્રમાં જોવા મળી રહ્યા છે. સૂત્રોના જણાવ્યા અનુસાર મહારાષ્ટ્ર સહિત તમામ રાજ્યો અને કેન્દ્રશાસિત પ્રદેશોને હવે રસીકરણ માટે તેમના બજેટમાંથી રસી ખરીદવા માટે કહેવામાં આવ્યું છે. આ સાથે એવી પણ સલાહ આપવામાં આવી છે કે રસીનો ત્રીજો ડોઝ હવે ફક્ત બીમાર અથવા ૬૦ વર્ષથી વધુ ઉંમરના લોકોને જ આપવામાં આવે.
નિષ્ણાતોનું માનવું છે કે, દેશમાં કોરોનાના કેસમાં ઝડપથી વધારો થવા છતાં તેની ઘાતક લહેર છેલ્લા કેટલાક સમયથી જોવા મળી નથી. હવે કોરોના સામાન્ય શરદીની જેમ વર્તે છે. આવી સ્થિતિમાં આરોગ્ય નિષ્ણાતોનું માનવું છે કે લોકોમાં તેની સામે હાઈબ્રિડ રોગપ્રતિકારક શક્તિ વિકસિત થઈ છે. આ કારણોસર હવે કોરોનાને મોટો ખતરો માનવામાં આવી રહ્યો નથી.
ગયા વર્ષે ૧૬ખ જાન્યુઆરીએ દેશમાં મફત કોવિડ રસી રજૂ કરવાની ઝુંબેશ શરૃ કરવામાં આવી હતી. આનો સમગ્ર ખર્ચ કેન્દ્ર સરકાર ઊઠાવી રહી છે, જો કે વર્ષ ર૦રર-ર૩ દરમિયાન કોરોના ખૂબ ઘાતક ન હોવાને કારણે રસીકરણની ગતિ ધીમી પડી હતી. દેશમાં અત્યાર સુધીમાં રર૦.૬ કરોડ રસીના ડોઝ લોકોને આપવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
