Author: નોબત સમાચાર
રૃા.૬૦ હજારના ચેક પરતના કેસમાં આરોપીને છ મહિનાની કેદની સજા
ચેકની રકમ મુજબનો દંડ ભરવા આદેશઃ
જામનગર તા.૧૩ ઃ જામનગરના એક આસામીએ પોતાના મિત્ર પાસેથી રૃા.૬૦ હજાર હાથઉછીના લઈ આપેલો ચેક પરત ફરતા તેની સામે કોર્ટમાં ફરિયાદ કરાઈ હતી. તે કેસ ચાલી જતાં અદાલતે આરોપીને છ મહિનાની કેદ અને ચેકની રકમનો દંડ ફટકાર્યાે છે.
જામનગરના ઈકબાલ બશીરભાઈ ખફી નામના આસામી પાસેથી મિત્રતાના દાવે મુળેશ સુરેશભાઈ વ્યાસે રૃા.૬૦ હજાર હાથઉછીના મેળવી તેની પરત ચૂકવણી માટે ચેક આપ્યો હતો. તે ચેક બેંકમાંથી અપૂરતા નાણા ભંડોળના શેરા સાથે પરત ફરતા ઈકબાલ ખફીએ નોટીસ પાઠવ્યા પછી અદાલતમાં ફરિયાદ નોંધાવી હતી.
તે કેસ ચાલવા પર આવતા આરોપીએ ગુન્હાનો ઈન્કાર કર્યાે હતો. તે પછી બંને પક્ષ તરફથી રજૂ થયેલી દલીલો સાંભળી અદાલતે આરોપી મુળેશ સુરેશભાઈ વ્યાસને તક્સીરવાન ઠરાવી છ મહિનાની કેદની સજા તથા રૃા.૬૦ હજારનો દંડ ફટકાર્યાે છે. દંડની રકમ ફરિયાદીને વળતરપેટે ચૂકવી આપવામાં આવશે. દંડ ભરવામાં ન આવે તો વધુ ૩૦ દિવસની કેદની સજા ફટકારાઈ છે. સજાના હુકમ સમયે આરોપી અદાલતમાં હાજર ન હોય તેની સામે સજાનું વોરંટ ઈસ્યુ કરાયું છે. ફરિયાદી તરફથી વકીલ અબરારઅલી એ. ઘોરી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
