Advertisement
Author: નોબત સમાચાર

નિકાવામાં ખેડૂત પર બે શેઢા પાડોશીએ હુમલો કર્યાની રાવ

સામા પક્ષે કરી વળતી ફરિયાદઃ

જામનગર તા.૧૨ ઃ કાલાવડના નિકાવા ગામના એક ખેડૂતને ખેતરના શેઢે ફેન્સિંગ કરવાના મુદ્દે બે શેઢા પાડોશીએ માર માર્યાની પોલીસમાં ફરિયાદ થઈ છે. હાલના ફરિયાદી સામે અગાઉ આ જ મુદ્દે હુમલાની ફરિયાદ થયા પછી ફરિયાદીએ પણ વળતી ફરિયાદ નોંધાવી છે.

કાલાવડ તાલુકાના નિકાવા ગામના ખેડૂત મુકેશભાઈ વાલજીભાઈ રાંક પર શેઢા પાડોશી કાસમ હુસેન પતાણી તથા હાજી હુસેન પતાણી નામના બે શખ્સે ઢીકાપાટુ, લાકડી, ધોકા વડે હુમલો કરી માર માર્યાની ફરિયાદ કાલાવડ ગ્રામ્ય પોલીસમાં થઈ છે.

આ ફરિયાદમાં જણાવાયા મુજબ મુકેશભાઈના ખેતરના શેઢે તેઓ તાર વડે ફેન્સિંગ કરતા હતા ત્યારે કાસમ તથા હાજી હુસેન દોડી આવ્યા હતા અને તેઓએ અમારી માલિકીની જગ્યામાં કેમ તાર બાંધે છે તેમ કહી હુમલો કર્યાે હતો. ઉલ્લેખનીય છે કે, શનિવારે બનેલા આ બનાવ અંગે મુકેશભાઈ રાંક સામે હુમલાની ફરિયાદ કરવામાં આવી હતી. તે પછી મુકેશભાઈએ વળતી ફરિયાદ નોંધાવી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag



Advertisement

અન્ય સમાચારો

Advertisement
close
Ank Bandh