Author: નોબત સમાચાર
દસ વર્ષથી વધુ સજા કે આજીવન કેદના કિસ્સામાં અદાલતો ધીમું વર્તે તે જરૃરીઃ વકીલ
સુરત કોર્ટમાં રાહુલ ગાંધી તરફથી થઈ રહી છે દલીલોઃ
સુરત તા. ૧૩ઃ રાહુલ ગાંધી માનહાનિ કેસમાં રાહુલ ગાંધીને સુરત કોર્ટે બે વર્ષની સજા કરી છે તેમજ તેમનું સંસદ પદ પણ રદ્ કરવામાં આવ્યું છે. આથી રાહુલ ગાંધીએ સ્ટે ઓફ કન્વિક્શનની અપીલ કરી હતી. જેનું કોર્ટમાં હિયરિંગ શરૃ થઈ ચૂક્યું છે. બચાવ પક્ષ દ્વારા માનહાનિ કેસમાં વિવિધ જજમેન્ટના આધારે દલીલ કરવામાં આવી રહી છે. આ કેસને લઈને રાજકીય ક્ષેત્રે પણ ખૂબ જ ગરમાગરમી છે. આક્ષેપ-પ્રત્યાક્ષેપો કરવામાં આવી રહ્યા છે. આજે સુરત કોર્ટમાં સુનાવણી હોવાથી કોંગ્રેસના નેતાઓ સુરત કોર્ટ પહોંચ્યા છે.
રાહુલ ગાંધીના વકીલ આર.એસ. ચિમાએ દલીલમાં જણાવ્યું હતું કે, સુપ્રિમ કોર્ટે સ્પષ્ટપણે કહ્યું છે કે જ્યાં સજા આજીવન મૃત્યુ અથવા ૧૦ વર્ષથી વધુ હોય તેવા કેસમાં અદાલતોએ દોષિત ઠેરવવામાં ધીમું વર્તવું જોઈએ. આ કેટેગરીમાં નૈતિક ક્ષતિ સામેલ હોય તેવા કિસ્સાઓ પણ છે. અમારે કાયદા મુજબ ફરિયાદી વ્યક્તિ છે કે કેમ? તે અંગેના ભાષણ અને તેના સ્થાનની પણ તપાસ કરવાની જરૃર પડશે. રાહુલ ગાંધી ર૦૧૯ માં વાયનાડના કેરળમાંથી ૪,૩૧,૦૦૦ કરતા વધુના માર્જિન મતથી જીત્યા હતાં. લોકસભા સભ્ય તરીકે ચૂંટાયા હતાં. જે એક રેકોર્ડ હતો, પરંતુ હવે તેને ગેરલાયક ઠેરવવામાં આવ્યા છે.
સુરત કોર્ટમાં આજે રાહુલ ગાંધી માનહાનિ કેસમાં બચાવ પક્ષ દ્વારા દલીલ કરવામાં આવશે. રાહુલ ગાંધીને જે સજા સંભળાવવામાં આવી હતી તેને લઈને પોતાનો પક્ષ મૂકવામાં આવશે. રાહુલ ગાંધીની સજા મોકૂફ રાખવા માટે તમામ કાયદાકીય રીતે આજે તમામ પ્રકારની તાકાત કોંગ્રેસ દ્વારા લગાડવામાં આવશે. રાહુલ ગાંધીની દિલ્હીની જે લીગલ ટીમ છે તેના પણ સભ્ય આવ્યા છે.
રાહુલ ગાંધી માનહાનિ કેસમાં આજે બચાવ પક્ષ દ્વારા સજા મોકૂફ રાખવા માટે જ અપીલ કરવામાં આવી હતી. આજે સુનાવણી હોવાથી કોંગ્રેસના નેતાઓ હાજર રહ્યા છે. કોંગ્રેસના નેતા અમિત ચાવડા, સુરત શહેર કોંગ્રેસના પ્રમુખ અને અન્ય હોદ્દેદારો હાજર રહ્યા છે. કોંગ્રેસ દ્વારા આ મુદ્દાને મોટો રાજકીય મુદ્દો બનાવવાનો પણ પ્રયાસ કરવામાં આવ્યો છે. કોંગ્રેસના નેતાઓ દ્વારા સતત રાહુલ ગાંધી સાથે અન્યાય થતો હોવાની વાતને લોકો સુધી પહોંચાડવાનો પ્રયાસ કરાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
