Author: નોબત સમાચાર
જામનગરમાં પ્રવેશતા ભારે વાહનોના સુચારું સંચાલન માટે મનપા દ્વારા બેઠક યોજાઈ
મલ્ટી મોડેલ સિટી લોજીસ્ટીક પ્લાન ઘડાઈ રહ્યો છે
જામનગર તા. ર૧ઃ જામનગરના ગ્રેઈન માર્કેટ, શાક માર્કેટ, બેડી, રોઝી બંદર, જી.આર.ડી.સી. ફેસ ૧ થી ૩ રિલાયન્સ, એસ્સાર, એસએફસીના ભારે વાહનોના શહેરમાં પ્રવેશતા વાહન વ્યવહારની સુચારૃં વ્યવસ્થા માટે જામનગર મહાનગર પાલિકાના કમિશનર ડી.એન. મોદી દ્વારા બેઠક યોજાઈ હતી.
આ બેઠકમાં સરકારના જુદા જુદા વિભાગના વડાઓ રાજ્ય સરકારના અધિકારીઓ, કન્સલટન્ટો વગેરે ઉપસ્થિત રહ્યા હતાં.
રાજ્ય સરકારના ગુજ. ઈન્ફ્રાસ્ટ્રકચર ડેવલપમેન્ટ બોર્ડ પ્રેરીત તેમના દ્વારા નિમાયેલ કન્સલટન્ટ મેઈન હાર્ટ દ્વારા શહેરમાં ભારે વાહનના પ્રવેશ માટે વૈકલ્પિક વ્યવસ્થાના ભાગરૃપે મલ્ટી મોડેલ સિટી લોજીસ્ટીક પ્લાન તૈયાર કરવામાં આવી રહ્યો છે. જેમાં સરકારના વિવિધ વિભાગો જેમ કે, જી.એમ.બી. ફોરેસ્ટ, જીઆઈડીસી શહેર ટ્રાફિક વિભાગ, જાડા, ચેમ્બર ઓફ કોમર્સ, શિપીંગ કંપની, આર.ટી.ઓ.ની ટીમ જોડાઈ હતી. અને તેમની સામે કમિશનરે ચર્ચા-વિચારણા કરી હતી. ગ્રેઈન માર્કેટ, શાક માર્કેટ, પોર્ટ વગેરેનો ભારે વાહન વ્યવહારની સુચારૃં વ્યવસ્થા બની રહે તે માટેનો પ્રાથમિક પ્રયાસ કમિશનર દ્વારા કરવામાં આવ્યો હતો. તેનો ઝડપથી અમલ થાય તેવું આયોજન મહાનગર તથા સરકારના વિવિધ વિભાગો ચેમ્બર ઓફ કોમર્સ દ્વારા આયોજન કરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
